يامـل قلب(ن)يتـلـه ود مـزويـة=تل الرشا من جبـا مطويـة الجالـي
اكبر عذابـي ليامـن ناظـرت ليـه=في خدّ ر(ن)كن فيـهن حـرب وقتالـي
ياعود موز(ن)غضيض(ن)ماقضا ميه=غصنه لياهب نسناس الهـوا مالـي
الله خلقهـا عـذاب(ن)للهوا ويــه=سبحان من صـوره زيـن التعزالـي
يازيـن بيـن معابيـر الغـلا لـيـه=اما انت والله عندي يالغضـي غالـي
ماتل قلبـي مـن الخفـرات موليـه=غير انت ياللي غلاك اثر على حالـي
اخفيـت حبـك لحتـى بـاح خافيـه=واليوم مامن صبر ياسمـح الاقبالـي
لكن عطني حبال الـود فـي ايديـه=حيث ان قربك وشوفة زولك اشوالـي
الحب اله ياصخيـف الـروح ماريـه=واكبر دليل(ن)بحبـك مشغل(ن)بالـي
اشغلت بالي من الروحـات والجيـة=والناس قالت مطاليعك على الخالـي
ليت الهبايـب يجيبـن الخبـر ليـه=حطيتلـك ذاري النسنـاس مرسالـي
يازين ماطعت بك هـرج الحسوديـه=والله ماصدقت فيـك هـروج عذالـي
ياكثـر مـن سبكـم يـارادع شفيـه=وهذا الذي زاد حبك وارخص التالـي
لكـن ابـي كلمة(ن)ماهيـب مقفيـة=من ذبل(ن)كن فيهن العسـل سالـي
يازين هرج الغـلا وان زانـت النيـة=في موقع(ن)يمتنيه العاشـق الجالـي
وان كـان بيـن جفاكـم يالسنافيـه=ترى الصراحة وهرج الحـق ينقالـي
والله لخليـك ياعـيـون النـداويـة=روحي بفالك وانا باروح فـي فالـي
مادام بينـت لـك كـل الـذي فيـه=والله لاهون ماصادق نـاس جهالـي
من ورد له عد دونـه تقصـر دليـه=يشرب من المر لو يشفق على الحالي