منتديات سلايل عبس | بني رشيد - عبدالله سوار الذهب وعبدالله الــعــيــر

سوار الذهب
شفت عبدالله ورى حد القصيم وشفت خاله
كل واحد يحمل الثنتين عمـري مانسيتـه
المهم اللي يهم اني نشدتـه كيـف حالـه
عام الأول يطردون ابليس لين يخش بيتـه

عبدالله العير
لاتشيل الضرس لين تشوف لك ضرساُ بداله
ثم تاخذ قطعة اشهر في سنونـك مالقيتـه
يامدير السعوده وش مشكلتك امع البطاله
لاتسكنا في قصـرن يالمطـاري مابنيتـه

سوار الذهب
الله انه يرحم اللي مـات ماوصـى عيالـه
واحداً مالله هداه يشيـب راسـي ماهديتـه
وش نسوي مشكلتك ومشكلة نقل الكفالـه
انت قاري في كتاب خليـف والا ماقريتـه

عبدالله العير
كيف تامر بالهدى وانته تلحـف بالضلالـه
تعطي البرزان وابناخيك عنـدك ماعطيتـه
الجمل وده يشيل الحمـل ومهينـه عقالـه
وانت عقّلته على باب الخلا مادري ثنيتـه

سوار الذهب
من تجمل فيك يمكن ماعرف ويش الجماله
من بكيته مابكانـي مـن بكانـي مابكيتـه
قلت عصر العلم وانت تقول ياعصر الجهاله
الله الله شـدوا الثبتـان سكـان البهيتـه