منتديات سلايل عبس | بني رشيد - شاعر عبس الأول ((عيد بن مربح )) و الـكابتن

http://up.arab-x.com/Oct10/rZ354042.jpg

دون سابق إنذار أو تخطيط ، يلتقي الكابتن بشاعر عبس الأول ((عيد بن مربح)) الذي تصدى لشاعر أسطوري خلف لقب مشهور له باع طويل في الجولات والصولات في عالم الانترنت ، في مواجهة تعتبر من أقوى المواجهات على الكابتن أمام شاعر من أقوى شعراء عبس في محاورة الموسم .

الكابتن

سلامٍ مبتداه صعيب ونهايته نشفت ريق=مثل حية نبي الله موسى تبطل السحار
خفيفٍ باللسان وبالوزن يوزن بضلع طويق=يبيله شاعرٍ يقوى الثقل ياحضرت الشعار

عيد بن مربح

هلا يامرحبا ترحيب بالجمله وبالتفريق = تحيت مسلمن مر المطار وشاف ضو النار
انا شايب هرم بادي مهايق مايحب الضيق = ماعمره شاف طياره ولا عمره عليها طار

الكابتن

على اسمك ياطويل العمر نفتح صفحة التحقيق=دخلت السجن والا صرت شاعر ما عليه غبار
ياراع المور من يمناك بدل نمرت التعشيق=عساك السايق اللي ما تهمه لفت الدوار

عيد بن مربح

تحقق وانت ماصلحت لي دلت كرم وابريق = احسب انك تحيبي واثرك امعزبن جوار
لو ان الكبتنه تشرا طبقنا الطايره تطبيق = ولا شفت الكباتن تقصر الخطومع المشوار

الكابتن

انا وشلون احيي فيك وانت لسالمه عشيق=معك عقد النكاح لها وفي ذمتك خمس صغار
تقوله وانت شايب لو ما اداري خاطرك ماتفيق=تروح لمركز الشرطه تهددهم معك مسمار

عيد بن مربح

عسا منته حدا هالخمسه الي قلت يامريزيق = ترا حقي عليكم كبر حق الشيخ والمختار
علي هونك علي الشايب تراه يفضل الترويق = بلاش من العلوم الي تجر ذيول ابو عمار

الكابتن

ليامنه دخلك الشك سقت الطايره تحليق=وليا صغرت علوم العود مادورت سد الثار
من اعماق المحيطات استمد وما لحقني ضيق=اسولف معك ياعيد بن مربح والشعر مدرار

عيد بن مربح

انا ماشك فالكبتن ولا عديه للتطبيق = لو انه يحسبن العود في تالي زمانه بار
عسا فيك بركه والكو علينا الصف والتصفيق = يجوز انك تعدا هقوت الشايب بعيد الدار

الكابتن

شهادة عز كان الاسم والصوره ماهي تلفيق=لو اني ماني بحاجة لكن لعيد قدر وكار
انا عشق الهنوف ام العيون السود وام عنيق=لكن الهرش يبقى هرش ما ظني يعود حوار

عيد بن مربح

سمعنا نشرت الاخبار بالصوره وبالتوثيق = وهذي عادت اهل الطيب بالنشره وبالاخبار
انا ماني بضاعه ياجماعه تقبل التسويق = يكفني نصيبي من زماني والزمن دوار

الكابتن

علامك ماتقول انك زعيم القوم ابو توفيق=عشان الناس تكتب لك حضور وتشعل الانوار
ابا اقول الك كلمه واضحه ما بعدها تعليق= ماتنباع الرجال بحكم شرع الله عيال احرار

عيد بن مربح

تعبت من الهموم وكثرت التحليل والتدقيق = وعلم قريب النظره وعلم مبعد الانظار
صحيح العود الازرق يالازيرق يقبل التعتيق = ولكن لاتسوم العود وانت تنقص الاسعار

الكابتن

توكلنا على الله والعشا في طاسته ماذيق= لاعله زاد يبقى للمعزب يقري الخطار
ابا اسوق لك عود الشعر لو انه قبل قد سيق= وابا اسلم على خشمك وختم منهي المشوار

تنسيق
سي لايف
نقل طيار