منتديات سلايل عبس | بني رشيد - فاجعة بنات حائل .. لــــــ مغااااااير

- منتدى الصوتيات المسموعة (http://www.slayl-abs.com/vb/forumdisplay.php?f=46)

- - فاجعة بنات حائل .. لــــــ مغااااااير (http://www.slayl-abs.com/vb/showthread.php?t=26758)

فاجعة بنات حائل .. لــــــ مغااااااير

http://www.youtube.com/watch?v=l9g53LmJ9Dc

جلّ رب العباد اللي يسوق الزمن
قدّر لكل روحٍ عمر يمشيلها

لا أعتراضٍ على حكمك ياربي ولن
تجزع الروح والرحمة تعزي لها

وأنا رجل أغيب اليا أعتراني حزن
أتوارى عن العالم ولا أبيلها

للضلوع أرتجافه ولخفوقي غبن
وكل ماهدّت ضلوعي يناديلها

همٍ يموج منه القلب يطعن طعن
همٍ يطوّق أعماقي ويشكي لها

خيّم الحزن وأعماقي بهمي شدن
والمحاني تحادى ضيق وتشيلها

ضاقت الأرض وفجوج النواحي بكن
والسكك كلها توحش مداخيلها

وين أوجّه وأنا مالي بدالك وطن
وين والمملكه ما أرضى بتبديلها

دولةٍ للعدل فيها مقر وسكن
دولةٍ وجّب التاريخ تبجيلها

ياوطنا لو يدينك كرام وعطن
ذنب الارواح راح بذمة إكيلها

أدب الخاين اللي للسلامة ضمن
لاجل نطهر من الخوان ونزيلها

فاجعتنا عظيمه في شموعٍ طفن
فاجعتنا قوي الحيل مايشيلها

أثنى عش من بناتك ياوطنا غدن
في تفاصيل تذبحني تفاصيلها

ومعهم اللي ترك ثنتين وأم تون
وأخته اللي فجعها فقد غاليلها

ومعهم اللي توفى والحفوه الكفن
ودع الدار وأنفاسه تومي لها

لو دفنّا فقيدات الوطن ما أندفن
حزن قومٍ تحِسرِها يغني لها

جعلهم يا إلهي وسط جنة عدن
كل روحٍ بفردوسك مداهيلها

ويالله إنك تصبّر كل حلوة لبن
وكل أبٍ كبت حزنه ويدعي لها

عبدالله عواد
( مغاير )