ان قلت لي (طفلتك ) وان قلت لي (يمه )=خذني على ماتبي ياعمري الباقي
خذني غريبٍ لقى في وصلك اليمه=خذني وابا أخذك عشقٍ بين الاعماقي
في داخلي طيش عذرى (ن) صابها غمه=تخفي ولعها ودمعٍ بين الاحداقي
ماهمها الا لقاه وهمها همه=وان طاف موعد لقاه قليبها ضاقي
تنثر جديلآ نثره( بكفه ولمه)=وتقول وينه يدفي بارد اشواقي
ادنى رجاها يجي من صوبهم علمه=وترتاح نفس طواها هم وارهاقي
واعظم رجاها عقب جرح البطا ضمه=ضمة غلا يحتويها شوق وعناقي
هذا مجرد مثل وان ماتبي سمه=حلمٍ تبخر وضاعت هقوة الهاقي