منتديات سلايل عبس | بني رشيد - من يوم غبت وغابت [ الشمس ] من صوب

منتديات سلايل عبس | بني رشيد (http://www.slayl-abs.com/vb/index.php)

- منتدى نوادر القصيد (http://www.slayl-abs.com/vb/forumdisplay.php?f=16)

- - من يوم غبت وغابت [ الشمس ] من صوب (http://www.slayl-abs.com/vb/showthread.php?t=27847)

من يوم غبت وغابت [ الشمس ] من صوب

http://www.de-mooiste-animaties.nl/f...ozen-23201.gif

والله وجيـت ولـك مشاريـه وعتـاب** من صوب جيت وبانت الشمس من صوب

وانا حبيـس البـرد والجـوف سـرداب** ماغير صوتك بيـن الأضـلاع مشبـوب

حتى بريق الوجـد فـي ناظـري شـاب** من حين غبت وتاهـت جهـات ودروب

ماتدري انك رحـت وغيابـك غيـاب** يعني رحلت وخاطر الشمـس مذهـوب

راحت على حزن الشفق تكسر اهـداب** وانا عليك من الشفق رحـت مسلـوب

خليتنـي فـي معبـر الريـح مـرتـاب** بين الأمـل واليـاس والشـك منهـوب

تمرنـي كــل الـزوايـا والأبــواب** وانـا علـى حـد المواجيـع مصلـوب

تناسلوا من وجهـه الشاحـب اغـراب** وازريـت يالماخـوذ تبـرى لهـا نـوب

سألتهم وانـا علـى الرجـم منصـاب** مامركـم يـا حـادي العيـس نبنـوب

مابه على عوج النضـى معكـم احبـاب** ياناطحيـن الضلـع والظلـع محطـوب

قفوا ورجع الصـوت يـدوي وينسـاب** في داخلي والجـرح بالجـرح مخضـوب

كذا وقفت اجاالـد فـراق الاصحـاب** لاباحـك الله هجـر وذنوبـك ذنـوب

ماتدري انك جيت وحسابـك حسـاب** يعني حـرام انـي مـن الغـي ماتـوب

عاتب وطلعنـي علـى طـول كـذاب** اشره علـي بأيـة لغـه بأيـة اسلـوب

اضحك يفوح الكـون زنبـق وعنـاب** سولف يبـوح ايلـول للثلـج ويـذوب

تعال باقـي لـي هنـا جـرح ماطـاب** جرحٍ على خبرك مـن العـام ملهـوب

من قال كفـك خلتـه ينـزف اطيـاب** مـن قـال لونتـه قرنفـل وخرنـوب

ملكك تسوي به علـى كيـف ماطـاب** لبـى يديـن طيـح القلـب بـالـدوب

والله وجيـت ولـك مشاريـه وعتـاب** من يوم غبت وغابت الشمس من صـوب

صقر الجنوب ,
فهد الشهراني,
اتمنى ان تنااال اعجابكم,
حكمة المحكمة,:d