منتديات سلايل عبس | بني رشيد - انا من شفتك اقبلتـى وانـا ( خايـف ومستغـرب ) ..

- منتدى نوادر القصيد (http://www.slayl-abs.com/vb/forumdisplay.php?f=16)

انا من شفتك اقبلتـى وانـا ( خايـف ومستغـرب ) ..

دعتنى وجيت للموعد وكنت مـن الفـرح كاالطيـر..

وجيت من العصر طاير مـع ان الموعـد المغـرب ..

وجتنى .بس مدرى ليه شعرت الجيه هـذى غيـر ؟؟
وهى تقرب من عيونى شعـرت ان الممـات اقـرب ..

وقلت الله يهونها عسى فـى جيتـك لـى خيـر ؟؟

انا من شفتك اقبلتـى وانـا ( خايـف ومستغـرب ) ..

على كثر الحكـى مـدرى كانـه خانهـا التعبيـر ؟؟
وقالت لـى جمـل واشيـاء لاتكتـب ولا تعـرب !! !!!

هدت فجـأه تطالعنـى وانـا فـى حاجـه التفسيـر...
لجل نحكى بهدوء اكثر سالت الحلوه وش تشـرب ؟!!

فصاحت بى انا احبك ولـك فـى هاالحشـا تقديـر..
وتدرى ان المثل .. فينا وفى احساسنـا يضـرب.؟!!

وكنت انت الوفى وانت البرى مـن تهمـه التقصيـر..
ولكن ذى عوايدهـم مـن ايـام وزمـن يثـرب ...

تكون البنت لابـن العـم ورغبـات الكبـار تصيـر...
وتدرى الاقربون اولى .. مع انـك للخفـوق اقـرب ...

وتـدرى للقـدر كلمـه لعـادات الاهــل تاثـيـر..
لذا ارجوك تتركنى .. وانـا مـن واقعـك بهـرب ...

شعرت بحكيهـا كنـه قصـاص وامـر باالتعزيـر...
شعرت الدنيا ضااقت بى من المشرق ليـا المغـرب ...

مشت خلـت وراهـا طفـل مايـدرك وش التدبيـر
...يحسب ان الغرام اشعـار شاعـر واغنيـه مطـرب ...

ضحكت وماقدرت انـى الاقـى لضحكتـى تبريـر!!!
من اللى بوقتنا مره .. ضحك مـن لدغـه العقـرب ...

رفضت استوعب اللى صار ( ولا استسلمت للتغيير )...
ثمان سنين اجـى نفـس المكـان بساعـه المغـرب...

ورغم ان الثمان سنين جرح ** وكلفتنى كثيـر **...

انا لليوم اجى وادعى
( تجى يااارب... تجى يااارب )

مما راق لي