منتديات سلايل عبس | بني رشيد - تنسيق محاورة الشاعرين شَآيَفَ وَ عَآيَفَ والبرق الخاطف

اعضاء منتديات سلايل عبس

السلام عليكم ورحمة الله وبركاته

اسعد الله اوقاتكم بكل خير

يسر لي ان اقدم لكم محاورة الشاعرين الشاعر شَآيَفَ وَ عَآيَفَ و الشاعر البرق الخاطف التي شاهدها و تابعها بعض الاخوه الكرام في هذا المنبر الاعلامي منتديات سلايل عبس وهي محاوره جميله ورائعه وابداع بين الشاعرين اترككم معها بعد تنسيقها

البرق الخاطف

الليله البرق يبرق من جنوب وشمال=والصاعقه شالت الخيمه مع الطنابها
اثره صحيح الحموله مالها الا الجمال=سبحان رب ٍخلقها وعـوج الرقابهـا

شَآيَفَ وَ عَآيَفَ

الليله البرق يبرق مير ويـن الخيـال=لا بد تشرب من الدلـه يـا صبابهـا
وين الجمال الشداد اللي تشيل الثقـال=احسب حسابك ودعوانا احسب حسابها

البرق الخاطف

عينك تشوف البروق وتحتك السيل سال=وانت الفناجيل ابسميك شرابها
اشوي وعلمك بدقاقها والجلال=ابسحب الحيه اللي دونها دابها

شَآيَفَ وَ عَآيَفَ

احسبك قاسي وراسي مثل رسو الجبال=واثرك تشب السعيره وانت تهابها
اصبر شوي وافيدك في جواب السؤال=ياراعي الحيه اللي سمها بنابها

البرق الخاطف

يالشايف العايف اللي مامعك وسع بال=النار لو ولعت يكويك مشهابها
ان كان تقدر تحلل مبهمات الحبال=خل اهل المعرفه لاتحرق اعصابها

شَآيَفَ وَ عَآيَفَ

اظبطها بالوزن وش سويت يابن الحلال=والا ابتعد ياوسيع البال عن بابها
انا ادري ان الولد مطفوق في كل حال=جاب المطمه بهونه ليت ما جابها

البرق الخاطف

انته دخل فيك لن اشك مثل الخيال=انا مغيرت وزنتها وهندابها
كم واحد ٍراح فيها قبل يذن بلال=بعض الاصاحيب تنسى قيمة اصحابها

شَآيَفَ وَ عَآيَفَ

خلك على وزنتك ما عاد فيها جدال=القافله ساريه لو تنبح كلابها
كم واحد(ن) راح فيها قبل وقت الزوال=يرمي الاشاره ولكن شاب ما صابها

اخوكم
عبدالمجيد الرشيدي