يادرع نايف يا سند كل مكبوت=يامروض صعاب الأمور الطوالي

ياسيدي يامحمد المجد منحوت=في وسط تاريخك عن الناس عالي

ناديت فالمبر بصوتٍ ورى صوت=لجل الشباب يقدرون الزلالي

هذا الوطن قوتٍ لمن ضيع القوت=هذا الوطن غالي ومن فيه غالي

هذا الوطن كوتٍ لمن دور الكوت=عن زمهرير الضيم يلقى مجالي

يجي له المحتاج ويعّمر بيوت=خيره على العالم من أول وتالي

هذا الوطن محفوظ عن كل طاغوت=بالدين والسيف الحمر والرجالي

آل السعود ويعجز الشعر ويفوت=لهم على عرش المعالي معالي

إن كان للاوطان رايات وبشوت=بشوت حكامه علينا ظلالي

منهو طمع فينا ترى دور الموت=يصلاه من نار المواقيف صالي

ممقوت فالدنيا وفالحشر ممقوت=ولاهو على ماقيل رابح وسالي

إلى متى حنا بعيدين وسكوت=مدام للتعبير صوتٍ يقالي

كلٍ يقول بصوت ويكرر الصوت=( هذا الوطن دمي وروحي ومالي)