بهذه الرساله

بسم الله الرحمن من سيف الخطابه للخطيب وردي=ارسالة المرسل على المرسل اليه الخبل لا يقراها
يمكن تطير الناس بالعجه وتسرج خيلها وتهدي=كانه سبرها العاقل اللي يفهم التنويه في مبداها
مني سلام ورحمة الله وبركاته والوكاد الجدي=الاوله ماني بذاكرها ومنك الثانيه شرواها
للثالثه بيض الدروب اللي على الطرق الطويل تودي=قص السوالف قص بالجره وعلم غيرك بفحواها
يامحزمي لا كثرة العدوان والخلان باحت سدي=انا مهل لكن لهم لاوصلت كبار العلوم اقصاها
الله وكيلك مابغيت اقول لا حولي ولابه قدي= لوكنت ترضاها وانا ارضاها كثير الناس مايرضاها
حبل القناعه في قرار نفوسهم بالبينه ممتدي =لكن مايبدون واللي صابها قالوا تراه اخطاها
لكن سلم لي على ربعً بهم للنايبه معتدي = شواربً تكرم عن سفاف العلوم مكرمات الحاها
حتى لواني قلت ماحولي ولابه يالسنافي قدي =لاصرت ترضاها وانا ارضاها قصير الشبح لا يرضاها