كان راحت لشجاعه والمكابر والعلوم الأوليه == طلعي ياصفحة التاريخ مجداً ماتغيره الروايه
طلعي سيرة ثلاث ابطال بالدبه وهجمات قويه == لزحول اللي تعلى فعلهم بالمجد رايه بعد رايه
يوم قال الاجنبي وسامة الكفه عساهم للمنيه == يقصد طويق الشنيني مابها سرد وحكايه
العقيد اللي حما أبله يوم دور الجاهليه == فعل ربعي عزوتي لاصار به فخر وحمايه
من عوامرة لنا عند القبايل مقدريه == خل أبو سبعه وأبو تسعه يعلم بالبدايه
مانمررها كذا والا كذا والا كذيه == والهدف مركوز والبندق تجهز لرمايه
من أصايلنا بنات الريم ياراع العبيه == مانقول الا الصحيح ولا أنغير بالنهايه
مانجيب الا الخزايز يوم به حذو وحذيه == ولاندوس الا الخشوم اللي بها كبر وطغايه
فعل ربعي تاج راسي واضح والشمس حيه == ماعلينا من الحسد والكذب وأصحاب الوشايه
والقصايد تفتخر في مدح ربعي باللحون السامريه == جبتها في مدح ربعي صادق مابه دعايه
مجدنا بالعز شامخ مثل برج الفيصليه == نورث الأمجاد للأطفال ونوصي وصايه
جبت أنا نظم القوافي يوم صارت فوضويه == ماعلينا من مكبرت العلوم اللي تبا تهد البنايه
الخوي ندراه ونصونه بعز ومقدريه == ماتغيرنا الليال ولاتنحينا نحايه
شاعراً يقدم على الجزلات بلحون عذيه == وارث الأشعار والجزلات له شف وغايه
مانورد شعرنا غير العدود اللي رويه == ولاندور في قصايدنا شماغ ولا عبايه
والنداء لامنها راحت وجت عبسيه == من سلالة عنتر العبسي وفيه كفايه
الشاعر/ حامد سعود الحنيفان العويمري