مــــطـــلـــق الــثــبــيــتــي





يالزلامي فوق رآسك شجرةٍ مزروعه
غصنها مايل على رآسك ولاله فيّـه
إرم عن جنبك هذيك الجبّه المرقوعه
ولك عندي جبةٍ تسـوى ميـة ربيّـه









رشـــــيـــــد الـــزلامـــــي





لاتقربّها لرآسـي خلّهـا مرفوعـه
نيّتك ماهي سليمه ياخبيث النيّه حسنةٍ
من عندكم ياأهـل التهـم ممنوعـه
والزلامي تعرفه مايلبـس العاريّـه









مــــطـــلـــق الــثــبــيــتــي





دخنوا فالجحر لين إنّه نقز جربوعه
الرجال اللي تعرف الحسنه من السيّه
مانبا نعطيه شي لين يلحـس كوعـه
واحدٍ يزحف ونابه مثل ناب الحيّـه








رشـــــيـــــد الـــزلامـــــي





انت مثل بعير ....ماتزين طبوعـه
لونزيّـن رآس ابوعـرّام بالطاقيّـه
السلوك اللي تجي من يمّكم مقطوعه
من زمان العام ماهوب السنّه هاذيّه









مــــطـــلـــق الــثــبــيــتــي





الزلامي لوبكالي مامسحت إدموعـه
لوفرشلي يوم أجي عنده ميّّه زوليّـه
إن نصحته عن سواليفه يصّك إسموعه
ماأنتبه لي لين ذاق الرمـح والجنبيّـه









رشـــــيـــــد الـــزلامـــــي





لاتحاول في صناعه قبلكم مصنوعـه
وأنت ماتضمن نجاحك ميـةٍ بالميّـه
وآحسوفي ياليتيم اللي هشمت ضلوعه
كل ماصيّحت فإذنه طـاح فالصينيّـه








مــــطـــلـــق الــثــبــيــتــي





لاترجّى خير مـن سيّـارةٍ قربوعـه
وإن مشت في دربها شاصينها ملويّه
لوعطاك الشيخ درع من خيار دروعه
قلت ياعاقل مع العقّـال منـت بعيّـه









رشـــــيـــــد الـــزلامـــــي





أنت مثل الذيب ماأعرف شبعته من جوعه
والعرب تقنع بشـرب الطبخـه البريّـه
لوقبلك البنـك ماسكّـر جميـع فروعـه
فتحت الابـواب فالوسطـى وفالشرقيّـه