لاتقرب العزاب سوق المغاتير

أحبائي أسعد الله صباحكم , كان بودي أن أشارككم في قصيدة ( غيمة الميعاد ) ولكن لظروف طارئة وسريعة كتبت هذه القصيدة والتي فرغت من كتابتها الساعة مواكبة للحدث بعد أن رأيت مقطع فيديو يندى له الجبين , وسوف إن شاءالله يعمل لها تصميم خاص ,

هذي نتيجة طال عمرك قرارك=ان كان هذا الشي يرضيك يامير
قرار لايخدم ولا هو مبارك=عطيتهم فرصه وجونا طوابير
السوق صار اليوم ساحة معارك=يومين سوت فيه فوضه وتغيير
جتك الجحلط في كدشها تبارك=اللي على الفرصه تطق المشاوير
لبست من الضيق وراحت توارك=على بنات الناس مثل المناشير
وراحت رجال الامن معهم تعارك=وقايع سجل عليها تقارير
حتى الشرط بالسوق صارت تشارك=باسباب شله فاسده مابها خير
عقول ماتدرك وتاطا المدارك=يعرض عليها المسك وتدور الكير
كم واحد من قبضة الأمن فارك=مطلوب في تفحيط ومعاكسة سير
وكم فيهم اللي للصلوات تارك=ضيق صدور اهله وضاقوا به الغير
اللي مايسلم من اذاهم جدارك=مايعقلون الا بوسط العنابير
قدام لاياكل زهابك حمارك=افتل رباط العير وارتح من العير
ياميرنا صطام دايم شعارك=العقل والحكمه وحسن التدابير
لك هيبتك لك سطوتك لك وقارك=ولك عندنا حب ومعزه وتقدير
كم من حكيم تاه لين استشارك=من ظلمة الحيره لقى فيك تنوير
وكم حي من هم الحياه استجارك=واقبلت ووجيه الليالي مدابير
يابن الإمام الفيصليّ المبارك=اللي حكمها بالسيوف البواتير
اقطع فلول الشر والشر بارك=لاتقرب العزاب سوق المغاتير
يامير نجد اخاطبك باعتبارك=صاحب قرار تصيّر الأمر ويصير
مسلم وعن هيبة خواتي مشارك=والمعذره يامير عن كل تقصير

لالالالالالالالاتعــــــــــــــــــــــــــــــــ ـــــــــــــــــــيق أكتفي في هذه الشطــــــــــــــــــــر

عــقــول مــاتــدرك وتــاطـــا الــمـــدارك =يعرض عليهـا المسـك وتـدور الكيـر

قـــــــدام لايـــاكــــل زهـــابــــك حــــمــــارك
افتـل ربـاط العـيـر وارتــح مــن العـيـر
رسالة وافيه يابو ايوب وابيات تحكي عن واقعنا ومجتمعنا
في الأونه الأخيره واتمنى تصل الرسالة لصاحب القرار
صح السانك وسلم بوحك وننتظرك في ابداعات قادمه
تحياتي لك وتقديري

صح السانك وسلم بوحك ,
متااابعين لك...
وننتظرك ابداعات قادمه ..$

صح لسانك ياالشاعر فواز,,,, أبيات بالصميم
ومتابع لك بـــ إستمرار
تحياتي وتقديري لك.

صح لسانك ياالشاعر فواز,,,, أبيات بالصميم
ومتابع لك بـــ إستمرار
تحياتي وتقديري لك

صح السانك وسلم بوحك وننتظرك في ابداعات قادمه
تحياتي لك وتقديري