قصة وقصيدة لفارس عربي شهير يختطفه الأتراك من السعودية ويسجن في اسطنبول

كان الاحساء قديما تحت الحكم العثماني التركي وكان الأتراك يدفعون
للقبائل مبالغ ماليه كل سنه عشان ما يهجمون على قوافلهم
ومن هذه القبائل قبيلة الشيخ راكان بن حثلين والشيخ راكان كان يحذر من الأتراك ولا يروح ياخذ فلوسه منهم بنفسه لكنه يرسل وكيله أبن عوده عشان يستلم عنه المبلغ
وفي مره من المرات قالوا الأتراك لازم نقبض على الشيخ راكان واتفقوا مع ابن عوده على الغدربالشيخ راكان وكانت الخطه إذا جاء راكان يبي قروشه من ابن عوده يتحايل عليه ويحاول يأخره و يرسل للأتراك وفعلا عمل له وليمه وقال لازم نتعشاء جميع فوافق الشيخ راكان وجلس حتى جاء الأتراك وقبضوا على الشيخ راكان وأرسلوه للسجن في أحد قلاع اسطنبول وكان له سجان اسمه حمزة ،حب الشيخ راكان ويسولف معاه كثير ومره سأل حمزه الشيخ راكان كيف قبضو عليك وأنت ذيب فرد عليه الشيخ راكان في قصيده وقال


من الخداعة واحتيال الملاعين---- هيهات لو إني عرفت العلومي



ومره من المرات ضاق خاطر الشيخ راكان بالسجن وكان حمزه يسلي الشيخ يوم شاف الشيخ البرق من نافذة السجن كأنه على جهة السعودية قال





أخيل يا حمزه سنـا نـوض بـارق
----" يفرى من الظلما حناديـس سودهـا
على ديرتي رفرف لها مرهش النشا"
"------ وتقفاه من دهم السحايـب حشودهـا


فـيالله يالمطلـوب ياقايـد الرجـا"
"------- يا عالـمً نفسـي رداهـا وجودهـا

انك توفقهاعلـى الحـق والهـدى"
"------- مادام خضرا ما بعد هـاف عودهـا

وابدل لهاعسـر الليالـي بيسرهـا"
"------- وجل المشاكل فل عنهـاعقودهـا

وافرج لعينٍ لا اقبـل الليـل كنهـا"
"------- رمـدا وذارفهـا تغشـى خدودهـا


وكبدٍ من اسقـام الليالـي مريضـه"
"------- عليها من جمر اللهايـب وقودهـا
تقطعـت الارمـاس عنـا ولا بقـا"
"------- الا وجـودٍ دايمـاً فـي وجودهـا


حبيبي ومقصودي لعبده اليا عطـا"
"------- وهايب افضاله ما تقـاس مدودهـا
فيا حظ من ذعذع على خشمه الهوى"
"------- وتنشى من اوراق الخزاما فنودهـا


وتيمم الصمان الى نشـف الثـرى"
"------- من الطّف ولا حادرٍ مـن نفودهـا
مع وجه سلفـانٍ الـى لاحبـارق"
"------- نحت له ولو هو نازحٍ من حدودهـا


ياميةٍ هم مشعل الحرب لدنـا"
"------- حريب ورفـت للملاقـى بنودهـا
حريبنا نسقيه كـاسٍ مـن الصـدا"
"------- والحبـه الزرقـا لكبـده برودهـا



وان زارنـا سبـعٍ يـدور لـغـره"
"------- كفوفه دروعٍ من فجايـا صيودهـا
عبينا لزوراته قراهـا الـى اقبلـت"
"-------وخطرنا على زيزومها اللي يقودها


وعقب الطمع ترجع سرايـاه كنّهـا"
"------- غيا جملةٍ صفـت عليهـا فهودهـا
وتغشـى قطـي الخيـل دمٍلكنّـه"
"------- تزيعج (دلا) اولادٍ عطاشى ورودها


وان ثقل اللي في اللقا يروي القنـا"
"------- اللـي لونيـات السبايـا سنودهـا
زعجناه بارقاب المطـارق ورادتـه"
"------- عرجـا دوامٍ للجرايـر تـرودهـا


فإن جـر حربـيٍ علينـاجريـره"
"-------------- صبرنا عليه ايلين نقـوىردودهـا
فـلا قوينـا الـرد نجزيـه مزنـه"
"------- حمرا تزلزل في رهقهـا رعودهـا


رعدها القهر ومصبب الدرجوبلها"
" ------- وحدبٍ مقابيس البلافـي حدودهـا
بمذلقـات الهنـد والشلـفكنّهـا"
"------- ألسن سلاقي متعبتهـاطرودهـا


كما مزنةٍ نشت على الجوف واسبلت"
"------- غثا سيلهايملا الحفن مـن نفودهـا
والاخرى على (جوده) غثاها لكنّـه"
"------- مصاريمزرعٍ في لياليحصودهـا


وراهن يوم يقصـر الظـندونـه"
"------- حظوظ من الله وافقتهـا سعودهـا
غزوٍ على البره تذلهب بنـا الرشـا"
"------- وتقطعـت عنـا ملفـق جرودهـا


تولفـت بـدوان نجـدٍ وحضرهـا"
"------- بإعدامنـا قامـت تجـدد عهودهـا
تولف علينا الذيب والفهـد والنمـر"
"------- سبـاعٍ علينـا ولفتهـااسـودهـا


جمعهم لنا ليثٍ على الدرب جابهـم"
"------- فلا عاد نقوى لـو بغينـا ردودهـا


كفانا بهـم ربٍ لـه الحمـد والثنـا"
"------- علينا مدوده ليس تحصـى عدودهـا
لك الحمد يا معبودوالشكروالثنـا"
"------- وجيهٍ على البيدا نسـاوي سجودهـا



ومـرٍّيكفونـي مذاريـب ربعـي"
"------- واتاجر بنفسي واتنومـس بزودهـا
الاالـى شفنـا عليهـم هزيـعـه"
"------- من دونهم حمـر المنايـا نذودهـا





عسـى جـوادٍ ماتفـرّج يصيبهـا"
"------- شبا مطرقٍ يقطع ملاقي عضودهـا
وانا ذخيرتهـم اليـا دبـرت بهـم"
"------- شعث النواصي والنشاما شهودهـا

وملفى مساييرٍ الـى جـوعينـوا"
"------- قريشيةٍ يعبـا مـع الهيـل عودهـا
مع منسـف وحايـل اليـااقبلـوا"
"------- لا علقـت مـا يحتملهـا عمودهـا





ولاّ ردومٍ من ورى الحجـز نيّهـا"
"------- تداوي بها الربع النشامـا كبودهـا



وننثر عليهـا السمـن زود وتعمـد"
"------- لشواربٍ تروي القنا فـيهدودهـا





والـى لفانـا مجـرمٍ ضـده النيـا"
"------- كنّـه بعيطـا نابـيـاتٍ حيـودهـا





الى ضد حمله في متونـه وزارنـا"
"------- نسفناه عنـهايليـن تبـرا لهودهـا
وبالجاه نرخص غالي المالدونـه"
"------- ووراه سيوفٍ مرهفـاتٍ حدودهـا



نقلـط للعقـال بالعـقـل مثلـهـا"
"------- ونعبـا لعيـلات المقـرد قرودهـا
ومن دوّر العليا نجازيـهبالرضـا"
"------- ومن دوّر القصيـا نلقّيـه كودهـا



لينه يبـدل زجـرة الهـدر بالرغـا"
"------- وقومه تكثّر لطمهـا فـي خدودهـا
هـذي عوايدنـا لهـذي ومثلـهـا"
"------- ونفس الفتى لابـده مـن لحودهـا







ولاهيب فعـل مـن يدينـا بديعـه"
"------- سوالف رجـالٍ خلفتهـا جدودهـا
وصلوا على خيـر البرايـا محمـد"
"------- ما لعلع القمري وما هـب نودهـا







وبعد القصيدة من الله على الشيخ راكان بالفرج


والسبب كانوا الأتراك يتحاربون مع الدوله المسقوفيه وكان معاهم فارس أسود على حصان مدربه يجمح كل حفره والفارس الأسود خوف الأتراك وقتل الآف منهم ودائما يهزمهم وإذا حاولوا اللحاق به وضع حفره ففرسه تنط الحفره وفرسانهم يقعون فيها وهكذا حتى حاول الأتراك الأستسلام وقد رأهم الشيخ راكان من سطح السجن قال الشيخ راكان لحمزة ياحمزة رح للوالي وقل يقول راكان أللي مبلشكم الفارس الأسود أنا أجيبه حي لكم بس خلوني أبارزه جاء حمزه وقال للوالي قال الوالي مايقدر قال راكان أقدر بإذن الله وألح راكان كثير قال الوالي خلاص نطلق سراحك فختار الشيخ راكان فرس من خيول الأتراك ودربها على القفز حتى تعودت يوم جاء الفارس الأسود برز له الشيخ راكان وخاف الأسود وهرب للحفره لكن الشيخ راكان قفز الحفره معاه فمسكه حيا وجاء به للوالي وأنهزم الجيش وهرب.

قال الوالي يا شيخ راكان أنت سويت معروف ما أحد سواه غيرك أطلب ولك ماتبي قال أكيد قال أطلب قال أطلب منك ديرتي بس الدهناء والصمان وقبيلة العجمان قال لك ماطلبت عطوه وجهزوه وكذا أطلق صراح البطل الشيخ راكان.




إن شاء اله بتعجبكم قصص إبتسااام

أختيار جميل ورائع

اقتباس:
المشاركة الأصلية كتبت بواسطة ابن جعيمير
أختيار جميل ورائع


يعطيكم الله الف عافيه ع المرور نورت صفحتي شكرا لكم

أشكرك إبتسام على تفردك عن الغير باختياراتك الجميلة

اقتباس:
المشاركة الأصلية كتبت بواسطة ابن حوقان
أشكرك إبتسام على تفردك عن الغير باختياراتك الجميلة



يعطيكم الله الف عافيه ع المرور نورت صفحتي شكرا لكم

بسومه راويه رائعه يعطيك العافيه

قصه جميله أستمتعت بقرائتها ونرجو منك المزيد من القصص الرائعه

اقتباس:
المشاركة الأصلية كتبت بواسطة بنت ابوها
بسومه راويه رائعه يعطيك العافيه

قصه جميله أستمتعت بقرائتها ونرجو منك المزيد من القصص الرائعه




هلا خيتي تسلمي يا كل الغلا الله يعطيك الف عافيه ع المرور نورت صفحتي

قصه جميله والحمد لله اللي فرجله .................

شاكر لج من القلب الصافي على هذي القصه .. امتعتني قرائتها ..............................................