ورحتي : مثل دمعه على خد شايب !

السلام عليكم ورحمة الله وبركاته

.. مرحبا ومسهلا ملااااايين ..

قصيدة معبرة جدا .. للشاعر المبــدع \مشعان البرآق ..

يقول <<


مال آلحياه سلوم بدو وتقاليد
آيامها .. فيها : الفرح والمصايب

تعبت منها يوم ضاقت بي البيد
وعن باقي الرحله عقلت الركايب

هذا مكاني كن في رجلي القيد
يا جايب الأخبار .. ويش انت جايب ؟

يا مسافره .. كم قلت لك ماني بعيد
عن القبور المظلمه والنصايب

شوفي عروقي كيف ابأهداء وابهيد
مافيه عرق الا من الشوق ذايب


لو جت لي الدنيا على مثل ما آريد
حرام ما أسمع فيك مخطي وصايب

أبيك .. وآخر ما حسبت ؟ المناقيد
لو خاطر ٍ يضماك ماهو بـ طايب

ورده وحولك شوك يا شيخة الغيد
الا .. ومن دونك ( كبار النوايب )

الشوف يوصل لك ماتوصل لك الآيد
ويوم اني اقصر عنك مانيب هايب

ما اخشى على يمناي شوك العناقيد
لكن .. آحنّك من نسيم الهبايب !

كم قلتها فـ.. أذنك مرار وتراديد
يكفيني اللي صار لي من عجايب

وانتي تركتي لـ.. الغياب المقاليد
غبتي .. وطيفك معي ماهوب غايب

تفوح : من بين الضلوع ( التناهيد )
ويبين في وجهي .. وداع الحبايب

جيتي مثل ضحكة طفل في ضحى العيد
ورحتي : مثل دمعه على خد شايب !

.. صح لسانه ملااااااايين ..

وسلااااامتكم ..

أختيار جميل لاهنتي يا الذيبه
شاكرهـ لك نشاطك وأبداعك
يسلموووووووو يا قمر

أختيار رائع لاهنتي يالذيبه
تحياتي لكِ

طرحتي و أبدعتي الذيبةة

رووووعه ومشكووورة اختي ذيبه على هذة القصيدة
تقبلي مروووري
دمتي سالمه

شكـــــــــــراً من القلـــــــــــــب

هلا بكم ياخوااان..
لاهنتم على المرور جميعاً..
عواااافي..

اسعدتوني..وانورتم المتصفح..

تقديري لكم وودي..

كل الشكر والتقدير لأختي الذيبة

على هذا الاختيار