هذه القصيد مهداه من الشاعر الكبير / ذويب الخياري

هذه القصيده مهداه من الشاعر الكبير/ ذويب الخياري الى الاخ العزيز/ الاستاذ : مساعد نور الرويضي الرشيدي،،،

من القصيم ولوقفت غير بالصور =الديره فوق روض ابن هادي
لعيال من بالطيب والخيرمذكور= في ذمتي هذا الكلام الوكادي
ريف الخوي والجارمن ماكر اصقور=من الرجال اللي تحد المعادي
بني رشيد اللي لهم بالوفاء دور =مروين حدب المرهفات الحدادي
يالله عساك بجنة الخلد يانور= يارب يا غافر ذنوب العبادي
تدخل مع الأبرار والذنب مغفور =ياغافر السيات بسمك نادي
اقولها من قلب وحساس وشعور = من رغبتي من خاطري من فوادي
ومن بعدها للشعر ترتيب وبحور = أحد(ن)معه وحد(ن) عن الشعر غادي
واليوم انا في نزعة الشعر مجبور = نزعة جناح الحر وقت الهدادي
وسقتهن توسيق فارس على الكور = ورفعتهن عن الطمان بسنادي
وصفيتهن صف المدرب لطابور =وعنيتهن عن الرسن للجوادي
بنات فكر وكلهن ورد وزهور= مثل المهار مدربات الطرادي
وجهتهن لك يامساعد على الفور =يالنادر اللي باللوازم سدادي
وفيت يالوافي ولا جيت بقصور = يوم الردي حظة عن الطيب رادي