جابر سعيد المري يمدح بني رشيد

(قصيدة للشاعر جابر سعيد المري يمدح بني رشيد)

سلام رديه بحفل الاصاحيب=اللي كرمهم مالقينا مثيله
أهل الكرم واهل الوفاء والمواجيب=أهل العلوم الوافيات الجزيله
بني رشيد لاعوا الذيب للذيب=اهل السيوف المرهفات الصقيله
عيال عبس لاجفتك المشاريب= قبيله ياطيبها من قبيلـــــــــــــه
إن صاحبت تلقى الكرم والتراحيب=وإن حاربت سم على الضد سيله
شيابها عند اللقاء تجهل الشيب =شعارها عل الكبود العليله
عدوهم يصبر على شقت الجيب=ودخيلهم ينزل برأس الطويله
قلته وانا من لابتاً تكسب الطيب= قوم لاشالت تشيل الثقيلـــــــــه
مري ومن روس توفي المطاليب= ياميه يوم الملاقا مهيلـــــــــــــــــه
وكل القبايل مابها شك ولاريب= ماهي تهاب ان شب راس الفتيله
قلت القصيده وارتجي عالم الغيب =انه يجملني مع أهل الجميلــــــــــه
ولا قلتها قاصد وراها مكاسيب =لا والذي يولج نهاره بليلـــــــــــه
وارجواالسموحه في ختام المكاتيب=إن كان فيها ياهل العرف ميله

[/quote]

صح لسان شاعرها وسلمت يمين ناقلها


الشاعر جابر المري شاعر حقيقة ويقول الصدق في جميع أشعاره

وشاعر نزيه لايريد من نظم الشعر مكسب

سوى أن يقول الحق بصوت مسموع

أطال الله بعمره ..وبعمر من هو على شاكلته

يسلمو خيي لاهنت ع ألآختيار الرائع

ماعليك زود ياجابر المرى وصح لسانك وانتم من الناس

اللى لهم مكانه فى قلوب الجميع ......

شكرا ابوبدر العبسى على النقل الرائع ......

مشكوووووور والله يعطيك الف عافيه