يوم الركايب عقبن خشم ابانات .. لشاعر عبد الله السبيل ..

#1 04-11-2010, 12:46 AM

الســـــــــــــــــــــــــلام عليكم ورحمة الله وبركاته000
العهده على الراوي /علي بن سليمان السبيل أحد احفاد الشاعر الكبير /عبدالله بن حمود السبيل من اعيان مدينة نفي00وقال هذه القصيده وهو ذاهبا لمكه المكرمه لأداء فريضة الحج فلما وصل بين أبان الاسمر وابان الاحمرتذكر محبوبته وقال هذه القصيده:

يوم الركايب عقبن خشم ابانات
ذكرت ملهوف الحشا من عنايه
ليته رديف لي على الهجن هيهات
اما معي والا رديف اخويايه
اخذت لي في ماضي العمر سجات
يوم الهوى قايم وانا اتبع هاويه
يوم ان للي مع تلع الارقاب صرفات
ابيع واشري بينهن بالسعايه
الليل نجدع به وعاعيد واضوات
ولاخاشر الوعاد راع الضوايه
واليوم شبت وتبت عن كل مافات
وطويت عن كل الموارد رشايه
الا الى مرت خطات الخوندات
اللي جدايلها تعدى الحضايه
اتجاري الهراج بغضاي وسكات
ولاهيب تبدي له سريره وغايه
تصد عما قال من غير مجفاه
وتعرض بخد كن فيه المرايه
طرالي الهاجوس هاجوس الافات
وعرض لي المبعد على كل رايه
ومن ان في قلبي جروح خفيات
وانا خبر مابي سببها منايه
اية هوى ماهي بطب المداواه
انا طبيب الروح مابي غوايه
ماهيب بدعه يلحق الرجل شرهات
ناس عدوا قدمي وناس ورايه
لولاي اوسع خاطري بالتنهات
وابصر بحالي من خلاي بخلايه
لاغدي كما المذهب وارمي بالاصوات
خبل على ما قال راع الروايه
باهل الهوى من شارب الخمر شارات
وبهم من الي يطرد الصيد شايه
شارات راع الخمر فاقه وسكرات
والصيد ولعه ما على الله كمايه
ولو اتمنى لي من المال غلات
وانفد الغله واحصل منايه
مير المقل ضعيف مافيه نوهات
وراع التمني مثل زراع طايه