مطبق الزبيدي ولاااااااااااا أروع

مطبق زبيدي كويتي ولا اسهل




المقادير :

زبيدي العدد الي تبينه 4 سمجات او 5 أو أكثر
مجموعه من البهارات(ملح-كركم-كزبره-كاري-كمون-دارسين حب يعني اعواده-وفلفل اسود حب على عداله-لومي مطحون- ولومي على عداله..الخ اي نوع تبينه من الهارات وتفظلينه يكون مناسب للسمج)
بصل للحشو الزبيدي وللحشو العادي اللي للأرز
خشروات للسمج مثل البقدونس وقزبره
كوبين او ثلاث ارز على حسب اللي تبينه


الطريقه:

1- اول شي تاخذين الزبيدي وتقصينه من النص لانه نبي نحشيه وبعداها ننظف السمجه عدل

2- ناخذ بصل نقصه صغااار فرم ناعم ونحط معاه الخضرا بقدونس وقزبره ونفرم الخضرا فرن ناعم ايضا ونحط معاه لومي ناعم وملح وكاري وكركم كزبره فلفل اسود اي نوع تبينه من البهارات يكون ناعم وتخليطنهم مع بعض كل المقادير وتحشين الزبيدي وتخيطين الزبيدي بالأبره عدل وتقلينه بدهن ولمن تخلصين القلي تخلين السمج على صوب

3-بعدين تاخذين جدر حق الارز وتحطين شويه زيت وثوم وبصل ولمن يحمر تحطين كل البهارات اللي تبين وتحطين البهارات العواده دارسين وفلفل اسود حب ولومي على عداله وتحمسين وبعدين تاخذين ماي وتحطينه ويا الحمسه ولمن الماي يغلي تحطين فوقه الارز المنقوع مسبقآ والنار عاليه طبعا لمن تلاحظين انه الارز ما بقا شي ويخلص خلي النار هادي وحطي فوق الارز الزبيدي اللي قلينااه والحشو



طريقة الحشوو

بصل + ملح+لومي ناعم+وفلفل اسود


الطريقه

تحطين البصل بروحه بالمقلاة وتحمسين لمن تحسين انه نشف البصل تزيدينه شوي ماي وتحطين الملح واللومي الناعم والفلفل اسود يكون بودره ناعم يعني وتحطينه فوق الارز لمن يقرب يخلص ومعاه الزبيدي

وخلص مطبقنا الكويتي
وبالعاااااااااافيه عليكم .

الله يعطيك العافية بنت البدوا علي شرحك الوافي ياوافيه

تحياتي وتقديري لك

أشكرك مواضيعك رائعه دمت بود

بنت البدو....الله يعطيك العافيه

أممممممم والله بصراحه شيء روعه
يسلمو ألايادي حبوبه

لذيذ للغاية الزبيدي له طعم غير عن بقية الاسماك الله يعطيك العافية

يابنت البدو دمتي بخير

يعيكي العافية بنت البدو الصراحة احس مررررره يجنن وياخذ العقل بس لو حطيتي صور كان افضل ومواضيعك دائما الافضل

الله روعة

شكراً من صميم القلب