الشمس تشرق على المجروح وتغيبي احمدسليمان

الشمس تشرق على المجروح وتغيبي
يعني يصبح عليها ثم يمسيها
لا الهم همي ولا التعذيب تعذيبي
لكنها قسمتي والله يحييها
( من بادي الوقت ) غنو آه ياشيبي
عذبات الأيام ماتمدي لياليها
وأنا مع الوقت مصروفي شقى جيبي
وأن ماكفى لقمتي شك يغنيها
عن ناس لا جيتهم تبخل بترحيبي
وأنا من أول أغديها وأعشيها
شف ياحمد كيف دورات الدواليبي
اليوم شف صار حاميها حراميها
البارحه والشعر ينهش عراقيبي
أسمع وأنا أخوك وأزهلي معانيها
تراي من مدرسة طيشه وتسييبي
أخذت درس الحياه منها وفيها
عرفت كيف الزمن ياخذ ولايجيبي
وأيقنت والتجربه الله يخليها
لو يزعل فلان يوم فلان يحكي بي
ما همني لا مبهرها ومحليها
مدام عذق الردى ياتي من قريبي
أبقطع العذق لو شانت تواليها
يكفيني أني وطيت الذل والعيبي
وسلمت من شر قاصيها ودانيها
بغيت أدحدر سبايب عطفي وطيبي
مع ناس ماهي تدانيني وأدانيها
الطيب هو الفخر وأكبرعذاريبي
ماهو بحاحه أبيّنها وأخفيها
من تجربه عشتها جتكم مكاتيبي
ما كنت أخطط عليها قبل أسويها
شعر/ أحمد سليمان الرشيدي

الطيب هو الفخر وأكبرعذاريبي
ماهو بحاحه أبيّنها وأخفيها



شاعر صح لسان أحمد شاعر

ولاهنت على النقل

أشكرك على النقل

صح لسان شاعرها وسلمت يمين ناقلها علي حسن الاختيار والنقل الجميل

تحياتي وتقديري لك

مشكووور اخوي ابو حيي على النقل
تقبل مروووري

شف ياحمد كيف دورات الدواليبي
اليوم شف صار حاميها حراميها
البارحه والشعر ينهش عراقيبي
أسمع وأنا أخوك وأزهلي معانيها


كفو والله عليك يا أحمــد لاهنت أخوي بدر على هذا التفرد بلغة شاعرهــــــا

لاهنت على هذا الاختيار