رشيدبن معدي وفلاح القرقاح

#1 02-15-2008, 07:38 PM

هذي المحاوره

بين الشاعرين رشيد بن معدي الرشيدي وفلاح القرقاح القحطاني

رشيد :

هلا يامرحبا ياللي حضر من كل فج ودار / أرحب في محل ابن فرج راع الوفا الوافي
بعدها ياصفوف الملعبة نادوا على الشعار / أبي شاعر ليا غنى يدرجهـا بالأنصافـي

فلاح :

عسى فيك البقا ياللي ترحب واجب ومقدار / ومن بيني وبينك ماتروح أرباع وأنصافي
ليا جينا معك يارشيد لازم تتعب الأفكـار / عسى ربي يعينك يالمعزب تكرم اللافـي

رشيد :

عسى الله ما يهينك ياعميلي والفلـك دوار / كذا طبع الشريف لياحضر في حفل ألأشرافي
أبا أتعب واتجهد واتقصى واقبـل المعـذار / وأنا رجال لي معـراف أقابلكـم بمعرافـي

القرقاح :

لو نطاوع كثير من العرب رحنا يمين يسـار / ولكن للرجال أهل الوفـا توفـي وتستافـي
ياشايب لاتتعبنـي وأنـا ببدايـة المشـوار / يقولون السماء ماهو بصافي والسماء صافي

رشيد :

سوالف لو تبقى لو لاخوصة ولامنشـار / وأنا ما ابيك تطري لو محرافك ومحرافي
وأنا ماأتعب الصاحب مع الإدغام والإظهار / أحولها على الواقع ويالله سترك الضافي

القرقاح:

ترى لولا الحسد بين العرب ماقلت الأمطار / أنا أظن القضية طال عمرك شرحها وافي
علامك مادخلت البورصة ياتاجر التجـار / مادامك شاعر شبعان لا خاسر ولاحافـي

رشيد :

صحيح اللي تقوله والحديث بسنةالأبـرار / لكن الشعر له تفسير غير بخط جغرافـي

دخول البورصة فيها قدا وأخطا جسام كبار / وتالي الوقت قام الوقت علمه يبحث الخافي

القرقاح :

ترى جندي الخفارة لامشى أكثر من ثلاث أمتار / يجازونـه لونـه جنـدي صامـل ومتعافـي
لياراحت جنيهات الذهب لشريطـي وسمسـار / ولاحصل مـراده غيـر راع المرقـد الدافـي

رشيد :

تقوله وأنت جندي ماوصلـت لرتبـة الإمـار / لكن راوح وبـدل خطوتـك قـدام وخلافـي
عقود الماس لأهل الماس ما يطمع بها السبار / وناس يكسبون الماس ما يطـرون الأنكافـي

القرقاح :

أنا من فضل رب البيت لاغـادر ولابـوار / لكن أنته ظنونك خافية ماهـي بتنشافـي
يقولون الحول يمكن يحسب إن البعير حوار / وجنيهات الذهب ماتنصرف مع كل صرافي

رشيد :

تقوله وأنت كنك طالعن من مدرسة غوار / تهندسها على قافك ولافكرت في قافـي
ليا منا تواجهنا وصـار البيـع بالدينـار / شريت الجوهرة من سوقها ماني بخوافي

القرقاح :

ترانا لا عسفنا الصعب طاوع بالطريق وسار / يوالف للرسن والقيد لـو ماهـو بميلافـي
لو أنك هكذا شفناك من عاد الكبار صغـار / لكن ماشفتك إلا ها السنة يالصاحب الوافي

رشيد :

ألا يالشاعر القرقاح روح مـع طريـق القـار / لك الله ما أنت عاسف وأنت قلبك يرجف إرجافي
معاني اللعب عند أهل الوفا تبقى علم وشعـار / ماتملكهـا علـى كيفـك تسولفهـا تسولافـي