منتديات سلايل عبس | بني رشيد - بين نمة حسود وبين هذرة سفيه

منتديات سلايل عبس | بني رشيد (http://www.slayl-abs.com/vb/index.php)

- منتدى نوادر القصيد (http://www.slayl-abs.com/vb/forumdisplay.php?f=16)

- - بين نمة حسود وبين هذرة سفيه (http://www.slayl-abs.com/vb/showthread.php?t=19921)

بين نمة حسود وبين هذرة سفيه

قصيدة جديدة للشاعر الكبير/ عيد بن مربح الرشيدي
موجهه للشاعر الكبير/ مساعد ربيع الرشيدي

وقت رجم الشقا من عرض من واق فيه=وسبقوني على متنه قروم العيال
بين نمة حسود وبين هذرة سفيه=اتّكالي على المحيي عزيز الجلال
الوفاء ماشيٍ به والردى محتريه=حسبي الله على الهقوه ومكر الرجال
والخطاب المبطّن والسؤال الوجيه=كلبوهن لهن مغزى وجمله تقال
ومجلسٍ مايقدّر خطوتك لاتجيه=حط بينك وبينه برزخ الأعتزال
روّض النفس وأردعها عن اللي تبيه=وكان طاوعتها غنت على ليل لال
وأعطها فرصه المسجون لمزاوريه=ودفها دفة الطاغي لمستور حال
قبل تفهم غلط معناي عرّج عليه=بكره النفس تسأل عن حرام وحلال
يامساعد ربيع يابو فيصل ياهييييييه=خذ عن الوضع نبذة ياكريم السبال
ياولد من تمد الجود راحة يديه=ياغصن دوحةٍ يلقى تحتها الظلال
مستحيجٍ ريال ووسط جيبي جنيه=ولازم أصرف جنيه لحاجتي بالريال
أتخذت القرار الصعب ماقلت ليه=شيٍ أكبر من الواقع وحلم الخيال
المهم أرتكيت بمرقبٍ منت أبيه=رغم طعن الزمان وضحكة الأحتيال
وأي طيب نزيه أنا خويه وأخيه=لين حمر النثايل فوق قبري تهال