الحـظ خاب ودايم الحـظ خايب
وان خاب حظي معك معي انت ماخبت

أنت المقرب واقرب من القرايب
بالحب هم اجناب وانت تقربت

لو شفت غيرك من طوال الذوايب
ماذبت فيهم وانت في طلتك ذبت

ياطيبك بقلب ٍبطاريك طايب
قلبٍ على عرشه عليت وتنصبت

على كثر مامرني من مصايب
نسيتها والحين من بعدك انصبت

رحلت عن عيني بليا سبايب
وانا احترق لأني ماحس إني اذنبت

متمرد بالحب ماكنت هايب
واليوم من طولت بعادك تأدبت

مكبوت واجذب ماتجيب الهبايب
ولاقدرت انسم ولا اسلم من الكبت

من تاب عن ذنبه يخاف العقايب
يامذنب ٍفيني تبي تموت ماتبت