دحيم


يامرحبا عـد همـال ٍ نـزل مـاه=توه بدا أللعـب ياذيـب العمـودي


وش قلت قبل أمس بخطاب سمعناه=من بعد ماكف زلـزال الرعـودي


ذيب


فيك البقا ياالصحيب اللي عرفنـاه=اللي ليا زادو أصحابـه يـزودي


أنا بقولي ذكرت الذيـب والشـاه=وأصبحت بين الذيابه والقـرودي


دحيم


حنا ليا قلنا لـك العلـم أحتمينـاه=والرأس مرفوع والبيرق سعـودي


من حط خالك عشاء رأسك ماتغداه=ميـر أنتبـه لاتعـدى للحـدودي


ذيب


ماكل شي تقولـه عبـس نرضـاه=لوفيه ترضى الحضارم والزيودي


جبت الأِسره بمستشفى المواسـاه=وتقول هذا التحـدي والصمـودي


-


دحيم


عبس الفخر مـن تحداهـا تحـداه=ألعن أبو راس شـارون اليهـودي


أنـا نصحتـك ورايـي لاتعـداه=كم عام حليت لك حبل ٍ معقـودي


ذيب


ياعبس يااللي خسرتوا في المباره=من فضلكم لاتبيحـون السـدودي


السالفه فوق حجم المـال والجـاه=الضرب فوق الحواجب والخدودي


دحيم


الكاس يالشمـري منكـم خذينـاه=يوم أن ((حضرم)) تعلا للصعودي


ترى الصنم من خلقنـا ماعبدنـاه=لو يجحد النور كذاب وحسـودي


ذيب


كاس من المي للضامـي عطينـاه=ماهو بكاس البطولـه والجهـودي


ياعبس صاحت عليكم كل الأفـواه=يااللي رقدتوا ياطـول الرقـودي


دحيم


أنشد ((جرادٍ)) تطاير وين ممسـاه=تبي تهجد العرب وأنت مهجـودي


صحتوا ومن صاح حنا مانشدنـاه=أن صاح وأن طاح ِ جعله مايعودي


ذيب


حنا الجـراد التهامـي ماحسبنـاه=حسابنـا للنـمـور ولـلأسـودي


أنا أشهد أنه رعبك الذيـب بعـواه=جابك من الضلع لعروق النفـودي


دحيم


أنتـم جـراد تهامـي وأشتوينـاه=لو زاد ياذيـب ماعـده يـزودي


الذيب يقنب عقب ماطاحت شـواه=لو يرفع الصوت عده با اللحـودي


ذيب


ركبتها غصب مـن زود المعانـاه=معذور تبحث عن اثبات الوجودي


مير حطوا لكـو مكتـب محامـاه=حتى نعرف الخصوم من الشهودي


دحيم


َتنشد للشايب ٍ ((حضـرم)) لحـاه=ولا أنت ضيعتها بيـن الحيـودي


ياعبس لايهمكم ذيـب وطرحنـاه=من بين شمـر يـرادي بالقيـودي


ذيب


الشايـب اللـي كثيـرات رعيـاه=مايدخله شك في جودك وجـودي


الذيـب ماهـو بخـروف تعشـاه=يادهن تشحيم مدري دهن عـودي


دحيم


كم من جمل قومٍ ((بالكفه)) وسمناه=وأصبح لايملك بعيـر ولاقعـودي


أن طعتني رد سيفك داخل اجـراه=ماهونافعـك التشـرد يالشـرودي


ذيب


حنـا وسمنـا بشريـوم الملاقـاه=ياواسم الهرش جعلـك ماتعـودي


اللـي نحـط مـن فـوق علبـاه=يعرف دروب الصوادر والورودي

منقول