منتديات سلايل عبس | بني رشيد - احفاد شيخآ من شيوخ النماشين

يامرحبا عند الرجال المسمين
نسل الشيوخ اللي تفك الجهامه

عوض وعايض وابو فهد على العين
الهم على كسب المراجل زعامه

احفاد شيخً من شيوخ النماشين
سعد ولد معتق رفيعاً مقامه

مضابره من عبس سقم المعادين
احرار ماعشو بعيشه رخامه

لثارعج الخيل وسط الميادين
وشمس الضحى عنهم حجبها العسامه

من السطر كلن يبا يوفي الدين
مافيهم اللي يلحقونه ملامه

انشد اسطيح الخيل ياجاهله وين
وحزم القوايم وابرقيه حزامه

وايمن شعيب الحزم في موقعاً شين
وانشد عن اللي بشقر الملح ضامه

هذاك معتق من شيوخ الدواغين
في عظم ساقه حط فيه العلامه

وطاح العقد وروحوا عنه مقفين
ربعه وعيت لا تشيله عظامه

بقى منيعً عندهم وقت شهرين
وداووه عصمان الشوارب كرامه

هذا الكلام اللي عليه البراهين
وكلن على ماقيل يثبت كلامه

وهذي سلوم اجدادنا اول وهلحين
هماتنا تعلا على كل هامه

ومبروك يانسل الرجال السلاطين
عبد اللطيف العز يلبس وسامه

لك الفخر ومعرباً بين جدين
لاصار جدك بشقر الملح ضامه

الشاعر /عواض سعد المظيبري