منتديات سلايل عبس | بني رشيد - قدعت من فذ الفراق وتقهويت

قدعت من فذ الفراق وتقهويت
انا وطاولتي وزقاره وكرسي

اسهر علي بيتين ومسح انا بيت
لين استحى ليلي من طلوع شمسي

والي حصل ماعاد ينفع بياليت
هذي الحقيقه وبصم اليوم خمسي

انگان عينگ ترقد الليل ومسيت
انا عيوني عيت الليل تمسي

ولانت يالي بالمفارق تماديت
مات الامل بحساس حسك وحسي

لاتنصدم مني ليا من تعديت
حرام حبك داخل الصدر يرسي

ياكثر ماضحيت لجلك وضحيت
بس المصيبه دايم الدوم تنسي

شكل الغرور اعماك لينك تعاميت
والظاهر اني معك بشوف نفسي

ترا الفخر هذا الفخر لاتعزويت
انا رشيدي وفتخر قول عبسي

لوكنت محبوسن ورا حد تكريت
اصغرهم اصغرهم يبي يفك حبسي

مليت من عذرك والاعذار مليت
ماعاد اميز بين يومي وامسي

وانكان قصدك بتعومس ليا اقفيت
لا والله ماتفرح ولا تشوف عمسي

ازريت اوضحلك طريقك وانا زريت
امشي يمين الدرب تمشي بعكسي

هذا طريق البعد رحته ورديت
مافاد تعليمك ولا فاد درسي

نواف السويفان