لاتعتذر وجـروح الايـام يبطـن

ونظرات عيني في عيونك فريـده

الجرح لاجاء منك بالـذات يغبـن

وغيرك فـلا والله حسبتـه فقيـده

خـل السوالـف بيننـا لايطولـن

لاتذكـر الماضـي ولاتستعـيـده

عطيتك اهجوس المعاني اليا جـن

شاعر ويفتحلك خوافـي رصيـده

وبلاغة الدنيا وبوحـي بـلا مـن

هديتـي لـو الليـالـي عنـيـده

ورسمت لك صوره على واقع الفن

وبروازها عطر القوافـي تزيـده

دوافعي في بحر الاشـواق صبـن

وامواج بحرك في طريقي عنيـده

بروق فرقانا على الوجـه لاحـن

من قبل لا ارجي منك جمله مفيده

لو قلت لرمـوز الغـلا لا يبينـن

تبقى على قلبي حروف القصيـده