ناصر الشريف

سلامي عليكم يا هل العز والتقدير
سلامٍ يساق لقوم تعرف مواجيبه

هلا بك يا ابن مفضي وعذرا على التاخير
تفضل كلام اللي قصيده يماريبه

نواف مفضي
هلا مرحبا بك يامسلم عساك بخير=وحنا نغني في كلام(ن)تغني به
كريم النبا شرواك يشكر على التعبير=ترى الطيب اللي طابت الناس من طيبه

ناصر الشريف
يدوم البقى ماهب ريح الخزام عصير
وترحيبكم يدريبه الشاب والشيبه

وانا جيت بعلومي ولا به معي تبرير
اجر اللحون وهمي القلب يحكيبه

نواف مفضي
صديق(ن)ذكرنا حزة الكسر والتجبير=رفعناله البيرق بعالي مراقيبه
حروف القصايد بالمعاني لها تصوير=وانا لا لقيتك قلت يامطول الغيبه