ياللي تظنين الهوى لعب ومزاح
بعض الهوى مافيه يمه آرحميني
الحب لو نخفيه في الروح فظاح
الحب ناره كايده صـدقيني
ادري ولاكن يمك القلب مزاح
ويشدني بعض الليالي حنيني
قلب بليآ حب ماظن يرتاح
هذا الهوى ماهو بيديك ويديني
ماكل عاشق خالي البالي مرتاح
ولاكل من عاف المحبه حزيني
الحب ناره نار وجراحه جراح
شوفي عذابه في عيوني وفيني
الحب مثل الطيب يزها وفواح
واسمى معانيه الوفا ياضنيني
لولاه ماكان السعاده والآفراح
لولاه ماشفت الآماني بعيني
كم ليلةً متوسد الكوع والراح
محدآ سأل عني ولاحس فيني
يابنت وشلي بالتعب بعد ماراح
عيشي حياتك وابعدي واتركيني
البعد ماهو بالجسد بعد الآرواح
وشحيلتي لاصرت موجود فيني
ان قلت لك بنساك منساك ياصاح
هواك لو ابعدت عنه يجيني

عبدالاله المطرفي