لا جابك الله يازمن عام الالفين
راحت مصايب وابتلتنا مصايب
سميت عام الفين جرح المحبين
عام النكاده والقهر والنشايب
عام انتهى حلمٍ بنيته من اسنين
جرحٍ تجدد واحسب الجرح طايب
محتاج وقفه توقف الدمع بالعين
تشفي الجروح الداميات العطايب
وقفة جنود الله في غزوة احنين
يوم الصحابة يفعلون العجايب
وقفة صلاح الدين في يوم حطين
يوم الرماح اللي تكض الركايب
وقفة ثباتٍ كنها السور للصين
وقفت بطل ما ياقفه كل هايب
وقفة ابو فيصل في العام تسعين
يوم القرايب ردهم للقرايب
وقفة صمودٍ كنها الشيخ ياسين
اللي صمد يومه شبابٍ وشايب
ماهي بوقفت بيل كلنتن ومادلين
اللي يزيدون اللهايب لهايب
وقفت ارجالٍ بالغعايل سلاطين
اللي يحلون الامور الصعايب
الطيبين الغانمين الشريفين
اهل العلوم معكفين العصايب
مليت انا بعدين بعدين بعدين
بعدين راحت في مهب الهبايب
العاشقين اليوم راحوا مساكين
والشيطنه صارت لشقر الذوايب
لا جابك الله يا زمن عام الالفين
لا جابك الله يا عدوا الحبايب
رآقت لي..

[ /~