بعض الامثال الكويتيه

الامثال الكويت


الأمثال هي الحكم وأقوال الحكماء وكان الكويتيون يستخدومون الامثال بكثرة قديما وفي الوقت الحالي لا يستخدم الا القليل منها لأسباب منها التغير الذي طرأ علي اللهجة الكويتية ودخول مفرادات جديدة اللي اللهجة ورغبة مني في توثيق هذا الامثال في المنتدي سوف أذكرها وهي كتالي :
1. (عنز الفريج ما تحب إلا التيس الغريب) .
2. (مو كل مدلقم جوز) . " مدلقم مستدير"
3. (حاميها حراميها ) .
4. (طق شجرة وصاد أرنب ).
5. (وش علي الذيب من ++++ النعجة ) .
6. (إن لقحت وإلا ماضرها الجمل).
7. (الطول طول نخلة والعقل عقل أصخلة ) .
8. (من بغي العالي يصبر علي الرش) . " الرش رذاذ الماء"
9. (الناس في الناس وهيلة في الغنم ) .
10. (كل يري الناس بعين طبعه ) .
11. (القبعة تخلص التانكي) . "القبعة الإناء الصغير"
12. (ما خلى عشاه الا من عله بحشاه ) .
13. ( من سبق لبق) .
14. ( الحمار في عين أمة غزال ) .
15. (عنبر اخو بلال) .
16. ( من أكل لحم السمين يؤدي آثمة ) .
17. ( عط الخباز خبزك لوباق نصه ) .
18. ( أبوك الصايغ وطوقك من ذهب).
19. (من سهر الليل تغدي بالطري ) . " الطري الطازج "
20. (لكل ساقط لا قط ) .
21. ( عومة ماكوله ومذمومه ) ." عومة نوع من السمك"
22. (العوض ولا القطيعة ) .
23. (ليا غاب القطو ألعب يا فار ) .
24. ( من طمع طبع ).
25. (ماسويت سوى فيك ).
26. (المبلل مايخاف من المطر)
27. ( من نشد ماضاع ) .
28. ( كل مرض يهون الا مرض العيون )
29. (كذبت خلتني حتى بعيني شفت ) .
30. ( بالله الشيب قبل العيب )
31. ( يا ماشي درب الزلق لا تأمن الطيحة )
32. ( الزين زين لو قعد من منامة والشين شين لو غسل عيونه).
33. ( كثر الدق يفك اللحام).
34. ( من عيب إبتلي ).
35. ( لي طاح الجمل كثرت سكاكينة ).
36. ( ما تعرف خيري إلا ما تجرب غيري ).
37. ( ما تحرق النار إلا رجل واطيها ).
38. ( يقصب الحبة ويهد الدبة ). "يقصب يقصد بها يمسك"
39. (التفك التمية لها رمية ). "التفك البندقية "
40. (الشيخ اللي ما يعرف الشيخ).
41. ( واحد يجر وواحد يهلس). "يهلس يقصد بها يعاكسة "
42. ( قال طلقها وأخذ أختها قال الله يلعن الثنين منهم ).
43. ( السمجمة الخايسة تخيس السمج ).
44. ( لي حبتك عيني ماضامك الدهر ).
45. (دور الفايدة ويايتة الخسارة الزايدة ).
46. ( اللي مايعدك رأس مال لاتعدة فايدة ).
47. (النار ماترث الا الرماد).
48. ( لو كل من جاء ونجر ما ظل بالوادي شجر ).
49. ( لايمهك تالي العمر موت ).
50. (شوف بليا ذوق مايروي العطشان ).
51. ( لو فيه خير ما عافه الطير).
52. (يبي رغيف من جلد ضغيف ).
53. ( دفعة مردي والهواء شرجي).
54. (الطيب يغلب الطبيب ).
55. ( اللي فى بطنه ريح مايستريح ).
56. ( أحسب جودي ترث جدوي أثر جدوي من موجودي).
57. (حل لسانك كل يصير من خلانك).
58. ( بعبع يأكل ولا يشبع).
59. (عوير وزوير والمنقطع واللى مافية خير).
60. (اللي ماعنده دار كل يوم له جار).
61. (نصيبك يصيبك ).
62. (هذا الميدان ياحميدان).
63. (إللي مويمك مايهمك).
64. ( يوم شاب ودوة لكتاب).
65. (بغيناها طرب صارت نشب ).
66. (لسانك حصانك إن صنتة صانك إن هنتة هانك).
67. (يدخل عصة في شي مايخصة ).
68. (هذى تروعك والثانية بضلوعك).
69. (البيت بيت أبونا والقوم هاوشونا).
70. ( الشي لين كثر سماد ولين قل زباد).
71. ( الباب اللي يجيك منه الريح سدة واستريح).
72. (من قلة تدابيره خلط حبة مع شعيرة).
73. (الأول كاسب والتالي تاعب ).
74. (حلال عمك ولايمهك).
75. ( ماتت الحمارة و أنقطت الزيارة).
76. (إبعير وبربير).
77. (إن بغيت الخبر يشيع عطة لبزيع).
78. (ياشاوي الدون تحسبك غابن وأنت مغبون).
79. (لي فات الفوت ماينفع الصوت ).
80. (دوام الحال من المحال).
81. (أنا أمير وأنت أمير منهو يسوق الحمير).
82. (قال عورون قال نشبون قال المسلمين ياخذون ويخلون ).
83. ( من فرش زبيلة كل يعبيلة).
84. (عندنا عيش وعندكم هالعزيمة على ويش).
85. (خبز خبزيته يالرفلة اكلية).
86. (طقني وبكي سبقني واشتكي ).
87. (من طق الباب عطوة جواب).
88. (الدراهم كالمراهم).
89. ( الروس نامت و العصاعص قامت ).
90. ( عقب ماحمي الملعب جات أم دعنوة تلعب).
91. (ما فيها إلا الضغوى و الذيب اللي يعوي).
92. ( لو ما المربي ماعرفت ربي ).
93. ( إشتر وبيع وسمك مايضيع ).
94. (ثور في هور).
95. (من بغي الدح ماقال أح).
96. (عند البطون تعمي العيون).
97. (أم عابس تأكل الرطب واليايس).
98. (كل ساقط له لاقط).
99. ( ماتيسر وخل ماتعسر).
100. ( كل حجرة لها أجرة).


الخلاصة : أرجوان اكون وفقت في ذكر بعض الامثال الكويتية الشعيبة المستخدمة قديما.....

منقوووول
المرجع : منقول من كتاب تاريخ الكويت سيف مرزوق الشملان " بالتصرف"

لاهنت يالغالي على هذا الاختيار

ﻻهنت

المشاركة الأصلية كتبت بواسطة ابن حوقان

لاهنت يالغالي على هذا الاختيار

المشاركة الأصلية كتبت بواسطة نسمه فجر

ﻻهنت

وألف شكر على حظوركم الرائع

ومروركم اسعدنيُ

وتحيآتي لكِم يآآآالغوالي

لي حبتك عيني ماضامك الدهر
حلو هالمثل
وبعض الامثال متداواله باكثر من دولة
يعطيك الف عافيه طرح ممتع وشيق
تقديري لك*

ياــــعييك الف الف الف عافيةحلو هالمثل
وبعض الامثال متداواله باكثر من دولة
يعطيك الف عافيه طرح ممتع وشيق
تقديري لك*

لاهنت على الاختيار الرائع بارك الله فيك

تحياتي لك

لقد قمت ببعض التعديلات على الموضوع بعد اذنك

موضوع رائع جدا وانت اروع .... شكرا جزيلا