قول عادي بالي الليله طويل

قول عادي بالي الليله طويل
شُوف لِك عذرٍ قديمٍ وأقبِلَه

لا تحاتي قلبي مِتعَوِّد يشيل
الجُروح اللي تجي له مُقبِلَه

طيبتي صارت مثل كف البخيل
أيِّ شَي طايح تِشُوفـه تحمِلَه

و عزِّتي تقدر تِسَمِّيها النخيل
لأني شامِخ والعواصف قاتِلَه

وعادي جداً إنِّي الليله عليل
الحزن يحْسِبني واحد مِنْ هَلَه

ومو غريبه لو تِمَنِّيت الرحيل
البقاء أحيان يعني البهذلَه

في غيابك ما لَهَا الضيقه مثيل
وربِّي اللِّي ما يشاءهـ يفعلَه

مِنْ يلاقي لـ دنيتي هذي بديل
خل يجيني أي شخص أبَدِّلَه

وعيب راسي لا بغى شي مستحيل
يوصله مو طيب غصبٍ يوصلَه

ليه راجع ليه ذاكر يـ الأصيل
إنت ضايق في خطأ بالمسألَه

وليه تبكي مِنْ كلامي يـ الدخيل

المشاعر ما لَهَا بقلبك صِلَه

والبلا إن حَبْ أنسان ثقيل
ينسى مِن حُوله ويسْمَع مُذهلَه

مِن عرفتك ما بقى بـ اليَد حيل
ولو بكيفي قلبي محدٍ يدخلَه

ومِن عرفتِك حظِّي العاثر يميل
أعترف لِكْ إنِّي عاجز أعدِلَه

فاقد الإحساس ما يعطي القليل
وإن عطيته إحساس قلبك يقتِلَه

إيه بـ أرحل والطريق أدري طويل
مشكله قربك وبُعدِك مشكلَه

وإن خذاني المُوت إترك قالٍ وقيي
قول هـ الجُمله وخطاك أمحلِّلَه

ربِّي ألهَم أهلهـ الصَبر الجَميل
وإرحمـه يا رب وإحسِن مدخلَه

مما رآق لــي

قصيدة في قمة الروعه
يسلم ذوقك جافي حافي على الاختيار و النقل
يعطيك العافيه
دمت بكل خير

غصب علينا نشكر ابداعك (جاي حافي)


اقتباس:
وعيب راسي لا بغى شي مستحيل
يوصله مو طيب غصبٍ يوصلَه

ومو غريبه لو تِمَنِّيت الرحيل
البقاء أحيان يعني البهذلَه

في غيابك ما لَهَا الضيقه مثيل
وربِّي اللِّي ما يشاءهـ يفعلَه
مشكوووووور والله يعطيك الف عافيه ابيات قمة الروعه

صــ ح ذوقكـ جـــــــــآي حـــــــــآفي

وصــ ح لساان شااعرهاااا

مميـــز دائمـــاً

تحياتي لكـــ

قصيدة راااائعة
مشكورررررويعطيك العافية

مشكوووووور والله يعطيك الف عافيه

أشكركم على المرور العذب