قصة الرشيدي مع الشمري

قصة الرشيدي مع الشمري

يقولون رواة السوالف ان فيه واحد رشيدي ( مستور الحال) وانه يرغب ابنت عمه ولا عنده شيء . وعمه يريد ان يزوجها واحد ثري عنده مال لان ابن اخيه فقير. وقام انت يالعم نادى ابناخيه وقال له يافلان انا ودي ازوج بنتي اذا كان احضرتلي عشر من البل وذلول فانا زوجتك واذا ماحضرتلي فاسمحلي ازوج بنتي قال الولد ابشر ياعمي .
اصبح الصباح وقام الولد واخذ بندقه وتوكل على الله ولايدري وين يروح الا ان امله في الله سبحانه وتعالى .
اخذله قرابة يومين لاأكل ولاشرب وتعب وجاء في هذا المفلى والا ان فيه ابل وراعيتها بنت واقبل عليها وسلم
وقال لها :
يابنت يلي تسمعين الكلامي + + + + + + ماتصبحين اللي قطع بطنه الجوع
قامت البنت وحلبت احدى النياق حتى ملت الطاسه :
وقالت :
هاك اللبن وانت عليك السلامي + + + + + + ان كان مالك عندنا غير مطموع
شرب الولد من اللبن لين اكتفى وقال :
يابنت؟ يابنت الرجال الكرامي + + + + + + انتي من ايا الناس والجود متبوع
قالت :
انا من اللي جدهم ما يضامي + + + + + + ربعي مطوعت الاعادي لهم طوع
قال :
ماذم ربعك؟ من رجال الكرامي + + + + + + لكن دليني على بيت شعشوع
معناها يقول انا ماذم ربعك لكن دليني على بيت كريم .
قالت :
انصا الفريق الى بهاك العدامي + + + + + + وانشد يدلونك على بيت جربوع
جربوع ابوها .
مشى الولد من عندها وراح ينشد وحتى وصل البيت وقلط من عرض الضيوف ومن بعد ماتعشوا الضيوف شافت البنت الولد ؟ وقامت البنت واستظهرت ابوها وقالت له يابوي هذا الولد جاني اليوم في المفلا وقال كذا وكذا وروت جميع الابيات والظاهر انه يابوي محتاج واعطه والله يكرمك .
وقام انت ياجربوع وقال تعال ياولدي وش عندك علمني بامرك وقال الولد والله ياطويل العمر ماعندي مشكله ولاشيء ولكن انا طلبت ابنت عمي وقال عمي احضر لي عشر من البل وذلول وانا ماعندي شيء وقمت اترزق الله
اصبح الصباح قام جربوع وقال له اخترواعزل عشرمن البل وذلول واركب على احسن مطيه وروح لعمك اذا اخذها منك وزوجك ؟ تعال واخذا زوجتك واسكن جنبي هنا ، واذا زوجك وردها عليك فاسكن مع عمك .
قام الرشيدي واخذ البل وركب مثل ماوصاه جربوع وجا عند عمه وقال يالله ياعمي انا جبت طلبك .
قاله انت يالعم من وين جايبها انت سارقها من اهلها ؟ والا من وين؟ علمني ؟ قال له اعطانياها الله من كريم .
قام العم واستحى من ابناخيه وزوجه بنته ورد البل عليه .
وقام الرشيدي يقصد ويمدح في جربوع ويثني عليه ويقول :

مانت بجربوع انت نمر تنمر + + + + + + نمر وظاهر من شيوخ انماره
نمر ظهر بالطيب من روس شمر + + + + + + شمر اهل التكميل واهل الوقاره
شيخ اليا منه يطلب ماتعذر + + + + + + يعطي العطايا ماحسب للخساره
راعي دلال وسط ناره مزبر + + + + + + يفرح بها اللي نازح من دياره
اعطاني البل يوم عمي تعسر + + + + + + عسى المطر دايم يسقي ادياره

وسلامتكم

والله ونعم في شمر كلهم وبيض الله وجهه جربوع عاداتهم الكرم وطيب
لاهنت اخوي على نقل هذي القصه الرائعه والجميله


تحياتي وتقديري لك

الغضوري

يعطيك العافية على طرح هذه القصة وعيال شمر ونعم الرجال أهل الطيب والمعروف والرشيدي قدم أبيات جزله في المعني مما يدل على طيب أصله ومنشأة

مشكوووووور والله يعطيك الف عافيه

والنعم باشمر والقصه جميله واتمنى للجميع التوفيق وبكل ديره حقها من رجالها


تحياتي لك وتقديري

من يفعل الطيب مايندم 0 مشكور علي نقل القصة الجميله

تحياتي وتقديري لك

مشكوووووور والله يعطيك الف عافيه

مشكوووووور والله يعطيك الف عافيه