قصيدة محمد بن عمران بشيخ الرويضات عايض بن مهنا بن عريجة

هذه قصيده قالها الشاعر محمد بن عمران الرويضي وهو يمدح فيها شيخ الرويضات عايض بن مهنا بن عريجه / أمير قريه افيعيه

----------------------------------------------------------------------------------------------

ياطارش(ن) لديار ربعي هل الطيب

بالله خـذ زينـات الامثـال مـنـا

مثايـل(ن) رتبهـن الفكـر ترتيـب

ليا جالهن وقت(ن) على الكيف جنـا

بسلام(ن) احلا من لبن شمخ النيـب

في فيضة(ن) فيهـا الخزامـى تثنـا

مني لمن في ساعة الضيق مايغيـب

ابو سعـد عايـض سلايـل مهنـا

اميرنا نزه الشـوارب عـن العيـب

زبـن الدخيـل اللـي لـداره تعنـا

يحماك يامـن ياعزيـز المجاذيـب

عنـه اليديـن الطايلـه يقصـرنـا

من لابة(ن) بالكون تجدع عشى الذيب

حريبهـم فـي مـرقـده ماتهـنـا

امدح رجال(ن) ينطحون المواجيـب

بيض الصحايـف بالوفـا يشهدنـا

في مدحهم وان غثربـن المشاريـب

كم شاعر(ن) في زين الاشعار غنـا

امدح رجال الطيب مالـي مطاليـب
الله يجزاهـم ثنـا الخـيـر عـنـا