{ ســالفة وقصيدة } .. مجلس لأعــضـاء سلايـل عــبس ..

مجلس مشرف ويرفع الراس يالذيبه
الله يعافيك أختي العزيزة
عود ينعش الروح وفنجان يقعد الراس ومجلس يشرح البال لاهنتي يأخت الذيب

يقول قبل طلوع السيارات فيه أثنين أخوان واحد مطوع ( أمام مسجد ) والثاني قلبه أخضر هواوي وراعي صيد وأخوه المطوع مايطلع من المسجد ألا في الليل بعد العشاء لجاء لخوه مسوي له العشاء ولهم خاله مطرفه عن الديره ويقوم بخدمتها راعي الصيد لها بنت مزيونه وكل الخدمه لجلها ويوم من الأيام ضبط لخوه العشاء قال أخوه يافلان لي طلب عندك قال أخوي الكبير ومطوع ألا تامر أمر قال أبيك تمسك المسجد مكاني قال وش عندك قال بحج كم تأخذ قال شهر رايحين وشهر بمكه وشهر راجعين على أباعرهم قال يأخوي أنت تعرفني راعي صيد وخالتي مقدر أخليها قال أنا طالبك لا تروح علينا هالمصلحه من المسجد المهم مشى أخوه وصلى بأهل المسجد يوم يومين أسبوع أفقدته بنت خالته قالت لأمها أفلان مو عادته مامر علينا المهم راحت العجوز وجابت الخبر لبنتها ماصدقت البنت قالت لازم أتأكد من العلم فلان مايجلس بالمسجد المهم مع صلاة العصر البنت حول المسجد قال أقم الصلاة وأقيمت الصلاة ويلتفت قال أستوووووو لهُ يوم شاف البنت وترفع الغطاء بتبين له أنها فلانه ( عشيقته ) بيقول أعتدلوووو قااااااال

تعدلو يأهل القلوب الموالـــــــيف صيرو وراء القراي خمسة صفوفي
أحلف برب حيزم الغرس بالـيف مرجع بصر يعقوب بعد الكفــوفي
أنك مناي بلابسات المشــــاريف والكاذب الله ياعسى مايشــــوفي

الله أكبر
سلم بعد الصلاه وهو مستحي لولد عمه وراه قال يافلان لك أسبوع وصلاتك وش زينها بس اليوم دخلت حديث بين الأقامه والصلاة أنا طالبك تعيدة قال لا يافلان الحديث وأسنادة ضعيف ضعيف جداً مايعاد

وسلامتكم