الرئيسية التسجيل التحكم

عدد الضغطات : 322
عدد الضغطات : 2,029
عدد الضغطات : 4,428عدد الضغطات : 0عدد الضغطات : 2,768

 
العودة   منتديات سلايل عبس | بني رشيد >

المنتديات الأدبية

> منتدى الشعر النبطي
التعليمـــات قائمة الأعضاء التقويم


 
 
أدوات الموضوع انواع عرض الموضوع
#1  
قديم 12-11-2012, 09:45 PM
عضو مشارك
شباب الذيب غير متواجد حالياً
لوني المفضل Cadetblue
 رقم العضوية : 431
 تاريخ التسجيل : Jun 2008
 فترة الأقامة : 5868 يوم
 أخر زيارة : 06-20-2022 (01:09 AM)
 المشاركات : 49 [ + ]
 التقييم : 28
 معدل التقييم : شباب الذيب is on a distinguished road
بيانات اضافيه [ + ]
افتراضي رديه بين مرشد البذال وزبن ابن عمير



دخل الشاعر مرشد البذال ...إلى السوق ذات يوم... ولمح بدوية تمشي ورا عجوز،،،،،
فقال هذه القصيدة مسندا على الشاعر زبن بن عمير البراق العتيبي رحمهم الله أجمعين……






يــا زبــن مـاضـيـة السـنـيـن أعسفـتـنـي=خلصـت مـن طـرد الـعـذارى وصـديـت
نـسـيــت مـتـعـبـة الـقـلــوب ونـسـتـنــي=ألا نهـار السـبـت فــي الـسـوق مـريـت
شــافــت عـيـونــي شــوفـــة كـلـفـتـنـي=يـالـيـت عـيـنـي طاوعـتـنـي وصــديــت
يــا زبــن ليـتـك شـفـت عـفـرا وطـتـنـي=مـثـل الفـتـاة الـلـي شعتـهـا الأصـاويـت
مـشـغـولـة فــــي شـغـلـهـا وأشغـلـتـنـي=تتلـي عجـوز ٍ مشيهـا مـشـي خـريـت
بغـيـت أصــد وفرصـتـي مـــا عطـتـنـي=الــســوق ضــيـــق والأوادم تـفـاخـيــت
مـاجـور يـــا مـتــن ٍ دحـمـتـه بمـتـنـي=عــز الله أنــي كــان عـورتــه أخـطـيـت
طالعـتـهـا مــــن حـسـنـهـا وأعجـبـتـنـي=جـودت سـر جـوف الضمـايـر وونـيـت
يـــا زبـــن بـسـهـوم الـمـنـايـا رمـتـنــي=رمـيـة صــدف لسهومـهـا مــا تحـريـت
مـانــي بنـاويـهـا وهــــي مــــا نـوتـنــي=والله مـا افهمـهـا ولا افـهـم هــل البـيـت
مـيـر أنـهـا يــا أبــن عمـيـر غمضـتـنـي=في كلمـة ٍ قالـت بهـا عقـب مـا أقفيـت
قـالـت ولــو حـتـنـك يـقــارب لـحـتـنـي=والله لـهـلـي فـــي خـيـالـك لـيــا جـيــت
حاولـت أبـا أكـسـب عرفـهـا وحذفتـنـي=حـذفـة حـصــاة مـــن جـبــالٍ نحـاتـيـت
أفلـسـت أنــا مــن عـرفـهـا وأعرفـتـنـي=صابـت بمرماهـا هدفـهـا وأنــا أخطـيـت
يـــا زبـــن غـاديــة الـجــدى خاطبـتـنـي=تـبـي عـلـى المـاضـي قــرار وتثـابـيـت
قـلـت أذهـبـي مـنــك الإشـــارة كفـتـنـي=ما أحد ٍ حكمني باعترافي ولا أمضيت
وإن كــان مـخـلـوق ٍ بظـلـمـه بهـتـنـي=أنــت الــذي لـلـنـاس جـمـلـة تقـاضـيـت
يــا زبـــن هـــذي قـصــة ٍ مشكلـتـنـي=وأسلـم وسلـم لـي عـلـى ذايــع الصـيـت
الــلــي مـعـانـيـه الـجــســام أقـنـعـتـنـي=أذعـنـت لــه فــي كــل معـنـى وقـريـت


فردعليه زبن ابن عمير رحمه الله



لـبـيـك يـــا مـــن هــــو بـقـيـلـه نـعـتـنـي=رحــبــت بالـمـكـتـوب غــايــة وهـلـيــت
طالـعـت فــي معـنـى البـيـوت وشفـتـنـي=عن ما مضى من شرح ما اخفيت وابديت
جـتـنـي بــيــوت مـعـجــزة وافـرحـتـنـي=ضحكـت مـن بعـض المعانـي وجضـيـت
جضـيـت مــن صـدفـات قــد صادفـتـنـي=مــن شــد مــا جـانـي تجـرعـت حلتـيـت
يــا ابـــو سـعــد دنـيــاك قـــد صلفقـتـنـي=عـديـت لـيـن أنــي مــن الـعــدي مـلـيـت
قصـتـك يـــا مـرشــد تـراهــا ادهشـتـنـي=وذكـــرت شـــوف مـكـثـرات التـلافـيـت
والـلــي كـوتــك بهـرجـهـا قـــد كـوتـنـي=لاشـــك أنـــا لـمـبـادل الـهــرج رديــــت
لـونــي أنـــت ان كـــان يـــوم اهزبـتـنـي=عـلـقـتــهــا لـمــذلــقــات الـمـشـاخــيــت
وراك يــــا مــرشــد تــقــول اهـزبـتـنـي=يـــوم ادحـمـتـك بمـتـنـهـا مــــا تـلـويــت
فــي قرنـهـا الأشـقــر وقـلــت ظلمـتـنـي=حـتــى تـقــول انـــك بـشـوفــك تـهـنـيـت
الشـيـب الــه فــي كــل مخـلـوق حـتـنـي=واســمــه وقــــار لـلـرجــال العـنـاتـيـت
لـونــي بمـكـانـك يـــوم هـــي عذربـتـنـي=قلت اصبري واعطيك هـرج ٍِ تثابيـت
أنــــا لــيــا شــبــت الــعــذارى بـغـتـنـي=وأنــت تـبـرى مـنــك حـتــى العـفـاريـت
مـن شـاف وجـهـك شـيـن قــال اهبلتـنـي=وانـا لـيـا شفـتـك عـلـى الــدرب سمـيـت
يـــا مــرشــد الـدنـيــا قــبــل صلفـقـتـنـي=وسـكـانـهـا فـيـهــا تـشـيــل الـزغـاريــت
وعـجـوزك الـلـي شـفــت قـــد عذبـتـنـي=حـطـت عـلـى دربــي حظـيـر وتـعـديـت
حدبـا ظهـر عـن حاجـتـي مــا نحتنـيـي=يامـــا ورا مـدبــح ظـهـرهـا تـخـطـريـت
حـتـى لـشـهـب عيـونـهـا مـــا ارهقـتـنـي=شربـت مــن صـافـي الـقـراح وتـرويـت
ومـؤامـرة بـعـض الـعـرب مــا خفـتـنـي=قلـبـي معلـمـنـي عـــن الـحــي والـمـيـت
وطـيــت حـيــات الـثــرى مــــا كـلـتـنـي=بـاقــدام رجلـيـنـي وانــــا مــــا تـوقـيــت
ونـقـض البـيـوت الــواردة مـــا كلفـتـنـي=هـي غايتـي تصريـف بيـت ٍ ورا بـيـت

ارجو ان تنال اعجابكم



 توقيع : شباب الذيب

سبحان الله وبحمده سبحان الله العظيم

رد مع اقتباس
 

مواقع النشر (المفضلة)


الذين يشاهدون محتوى الموضوع الآن : 5 ( الأعضاء 0 والزوار 5)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:21 AM

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
جميع الحقوق محفوظه0لموقع سلايل عبس

جميع ما يكتب في المنتدى لايمثل الاراي كاتبه

a.d - i.s.s.w

اتصل بنا تسجيل خروج تصميم: حمد المقاطي