شربت من كف اطيب الربع فنجال

شربت من كف اطيب الربع فنجال=بريةجذية من النار نيه
في مجلس يجمع من القوم عقال=لومالحقني شك صرت الضحيه
صارالصدى يلطم من الجال للجال= ولاحت بميدان الدفاع الزريه
لولاالعقول وميزتفريق الازوال= مبطي على الدنيا سلام وتحية
اشهد شهادة حق مايشغل البال= الاضعيف العرف والعاقليه
وحنا بدور اعلام ومربي اجيال=واشياء لها بحوالنا الاولويه
مثل المبادئ والقيم قول وفعال= وديانة الاسلام والمرجعيه
نعيش واقعنا بخيرات الاعمال= وحسنات تمسح كل ذنب وخطيئه
على طريق الحق وافين الاخصال= والنا بشيمات العرب نفس حيه
نوعد نوفي وان هبا كل محتال= ونشذب مدى الاسهاب بالعنصريه
احوالنابالدار نازل ورحال= مانختلف عن حال راعي رعيه
نسرح ونمرح ونتعالى بلاقوال= ونفخر ونتفاخر بجاه وحميه
ناسين شي من المشاغل والاهمال= الموت وملاقات رب البريه
ماكن قافينا بحاله من الحال= رحيل يوم بليل والاضحويه
ومفارقين الاهل والربع والمال=والجهد والاكرام والمرفويه
ولاعاد معنى غيرميزان الاثقال= اعمالنا والصالحات البقيه
ويبقى لناذكرا ليامربه فال= بالطيب والا بالصفاة الرديه
يالله عسى لنا مع هل الخيرمدهال= والطيبين النا معاهم سميه
والاحياة الخلق تفنى وتنزال=فقيرميت والغني مات زيه
يالله بحسن الخاتمه سترواجلال= وعفوك ولطفك يامنجي نبيه