قصيدة لشاعر العم/ محمد مزيد بن هرسان الرويضي-الدولة اللي في ذراها حمتنا

[CENTER]

: ----------------الدوله. اللي في ذراها حمتنا------------------

بسم الله الرحمن فــــــتاح الابـــــــواب = اللي رفـــــــع سبعن وسبعن تحتنا
ربٍ كريـــــم ومن ترجاه ما خـــــــاب = نســـــــــــاله التقوى ورفع ادرجتنا
حنا العـــــرب حنا العروبة والاعراب =محكم كتاب الله نـــــــزل في لغتنا
افضل كــــــــــــتابا نزله رب الارباب= آيات عن كــــــل الامم فضـــــلتنا
خير امه ٍ تامر على هــــدي وكــتاب= نهدي لآيات كتـــــــابنا اللي هدتنا
وسرنا على هدي الرسـالة والاصحاب = دعوه رفعنا شــــــــانها و أرفعتنا
كنا منارة للأمــم فــخـــر واعــــجاب = يفخر بنا اللي ما يعـــرف الهجتنا
وسرنا وساروا خلفـــنا مثــل الاسراب = وحتى الامــم بفـــــكارنا قلـــدتــنا
وصــل عـددنا فوق ملــيار بحــــــساب = كثر تـــــــعددنا وقــــل بركتـــــنا
اشـــــوف تالي وقتـــــنا نجمـــنا غاب = مدري وهن وإلا ترداء بخــــــتنا
دسوا لنا هرمون تخــدير الاعصـــاب = نـــــوم مشاعــــرنا وسبــب شتتنا
نمنا عن الواجـــب بلا لوم واعــــتاب = نوم عمـــــيقٍ في سبــــــاته سبتنا
وافكارنا ضعـفت ليا حد الاجــــــــداب = وشافت توجهنا الامم وسفهـــــتنا
ورموا عليــــنا بالتـــطرف والارهاب = وببشع وصوف الموبقات وصفتنا
وسووا لنـــا افلام الاتـــاري والالعـاب = لجـــــل تضيٌع دينـهــا ورعنـــتنا
تضحك علينا احفاد كسرى والازناب =تهـــدم مباديــــنا سبـــب رافضتنا
والكورة الكـــورة وراها لــنا اهـــذاب = حتى عن اوقات الصـــلاة اشغلتنا
ندفع بها امـــوالٍ بـــلا عــــد واحساب = تــــنــــفيع قــــومٍ ما تبى منفعتنا
أتبث في وقت الصلـــــوات لسبـاب = نــوخر صـــــلاة الله لجل ملعبتنا
وتســابـق الـعالم لتنـــويع الاكســــاب = وحتى هنـــود القرقرير اسبـــقتنا
والناس تمـــــشي قدم وتحث الاسباب =وحنا على الماضي نعــوج ارقبتنا
ننبش قبور امواتنا نبــــشت اغـــراب =ومتى نعدل أرقابنا ليــــا التفـــتنا
ولا عندنا غير التـــنابز بالألــــقـــاب =اما شمتـــنا فـــــلان والا شمـــتنا
ونقرض وبـعروض الاجاويد نغتاب = أما شـــتمنا غيـــب والابـــهتــــنا
ونقسم الـــعالــم على شــرعة الــغاب =اللي رفعــــنا فوق واللي تحتــــنا
والناقصـــة نــرمــي بها نــاس غيُاب = والوافية نحـــطـــها من جـــهــــتنا
نهضم حقوق الناس بالظـــلم ما نهاب = والمظلمة عنهـــــا الشريعة نهـــــتنا
وافضل كتابٍ عندنا كتب الانســـــاب = يقراء بها رجــــالنـــا مع مــــــرتنا
كتبٍ بها زورٍ وتدليس وكـــــــــذاب = كـــــتبٍ عن النهــج الصحيح أحرفتنا
شريعة الجاهل طــــغت فوق الاتبـاب = وسرنا بعـــــــــادات الجهل وحكمتنا
نمشي وراء الشهرة وننصب لها انصاب = حتــــى عن اهداف الشريـــعة نحتـنا
وسوت لنا من سردب الجــهل سرداب = ومع وسط سرداب الظلام أحــدرتنا
نمدح بعض الناس مدحن بــلا اسباب = تسمع وراء طبــــول الجهل دندنتنا
اخو فلانة من طويليــــــــن الاشنـاب = كـــــــله لعــــينا ناقتــــــه شوقتـــــنا
والا تفاخرنا بدقـــلــــه وهنــــــــداب = وفلان شيـــــــخ يعــــد من مشـيختنا
ابن الاصيل اصله بدقـــــله وجلبــاب = على عـــماها الفـــــخر يا مفخرتـــنا
ما تعلمون ان الاصل طـــين وتـراب = من اين اتى التفــــضــــيل يا عولمتنا
الفضل بالتقوى قرينـــــــــــاه بكـتاب = آيـــــات من رب المــــلاء علمـــتــنا
متى تبى تصحون يا عوج الأرقـاب = صوت الزوابــع والفتـــن ما يقضتنا
ما شفتو العالــم وتكشـــــــير الانياب = وتـــــسارع الاحــــداث في منطقتنا
جتنا تدق طبولها سفـــــن الاجـــــناب = جتـــــنا اهل حـــمر الطرابيش جتنا
قامت تهز ذيولها عـــــوج الاذنـــاب = ون ما تكاتــفنــا الضـــــباع اكلتـــنا
عودوا لدين الله يــــأول الالبـــــاب = خـــلـــو بديــن الله و بالله ثــقــتـــنا
شدوا وثاق العهد يا وجيـــه الاحباب = البهــــــرجــة والغطـرسه ما نفعـــتنا
ان ما عــــملنا بالشــريعــة والآداب = الارض واللــــي فـــوقـــنا ما بـكتنا
نذهب كما ذهبـــــت ثمودٍ والاحزاب = نـــلحــــق بقايمه امـــــمٍ ســــــابقتنا
وليا يتكاتفـــنا لتـــذليل الاصعـــــاب = لو تجتـــــمع كل العجــــــم ما قدرتنا
الجمع قوة يجعل اخصامـنا اتهــــاب = والتفــــرقة تطمـــع خصومن بــغتنا
شدوا عهدنا كـلنا شعـــب واقــــراب = الــــــدين واحد واللــــغة جامــــعتنا
صيروا دروعٍ للوطن سترواحجاب = في وجــــه من يطغى على مــملكتنا
وللمملكة حــــقٍ عليــنا يالاصحاب = امٍ حــــــــباها الله بخــــــيـــر وحبتنا
ومهبط وحي وارض العرب حمل واخصاب = من عــــهــــد بن هاجـــر عليها ثبتنا
راسين مثل اجبال أبانات وهضــاب = زوابـــع الاقــــدار ما زحـــزحتــــنا
واجدادنا ما سلـــموها للأغــــــراب = وحــنـــا نـــكمـــل عــهــد من ورثــتنا
وآل السعود افضالهم ما لها احساب = الدولـــة اللـــــي في ذراهـــا حمـــــتنا
الهم علينا طـــــاعةٍ حــــق ووجاب = منين ما جــــت والدواعي دعـــــــتنا
الله ينصرهم علـــى كـــــل خنزاب = اللي هـــــدفهم زعـــــزعــة مملكــــتنا

الشاعر / محمد مزيد بن هرسان الرشيدي

تحياتي لكم