محاورة الشاعرين (نواف مفضي ) و ( ناصر الشريف)

السلام عليكم ورحمة الله وبركاته
أهلاً وسهلاً بأعضاء وزوار منتديات سلايل عبس
نرحب بكم في قسم المحاورة الشعرية والتي سيحييها كوكبة من
شعراء المحاورة المعتبرين والذين عُـــرف عنهم الإبداع والإمتاع
و لهم حضورهم المشرّف في الساحة الشعبية وندعوكم للمشاهدة والمتابعة
ولنا موعداً معكم بإذن الله اليوم الأحد
هـ 1431 / 7 /8

الساعة
التاسعة والنصف مساءً

وستكون المحاورة بين شاعرين من عمالقة ساحة المحاورة
وهما :

الشاعر نواف بن مفضي
و
الشاعر ناصر الشريف

//

ونتمنى لكمـ طيب المتابعة

المنسق الإعلامي للمحاورات الشعرية

(بحر العرب )

المحــاورة بعد التنسيق

ناصر الشريف

سلامي عليكم يا هل العز والتقدير
سلامٍ يساق لقوم تعرف مواجيبه

هلا بك يا ابن مفضي وعذرا على التاخير
تفضل كلام اللي قصيده يماريبه

نواف مفضي
هلا مرحبا بك يامسلم عساك بخير=وحنا نغني في كلام(ن)تغني به
كريم النبا شرواك يشكر على التعبير=ترى الطيب اللي طابت الناس من طيبه

ناصر الشريف
يدوم البقى ماهب ريح الخزام عصير
وترحيبكم يدريبه الشاب والشيبه

وانا جيت بعلومي ولا به معي تبرير
اجر اللحون وهمي القلب يحكيبه

نواف مفضي

صديق(ن)ذكرنا حزة الكسر والتجبير=رفعناله البيرق بعالي مراقيبه
حروف القصايد بالمعاني لها تصوير=وانا لا لقيتك قلت يامطول الغيبه

ناصر الشريف

توفت عبارات الحكي والممات يصير
ولا كل رجال معه يالخوي هيبه

ولكن حالة مجتمعنا غدى شرير
عسى الله يرحم حالنا ويحجب غيبه

نواف مفضي

وكبدي غدت من جاير الوقت كبد بعير=زمان الشقا والقيض تبطي لواهي به
ترانا بخير وسالفتنا لها تأثير=ولا كل علم(ن)يقطع الشك بالريبه

ناصر الشريف

وانا يالخوي راسي لعب لعبت التحرير
ولكن معى اللعبه تفشة مكاتيبه

معي للمجال اليوم يا ابن الحلال اسبير
اشغل تعابير ه ثم اكسر عراقيبه

نواف مفضي

يا ناصر دخيلك لاتفجر من التفكير=ترى الوقت طير(ن)صايبات(ن)مخاليبه
علومك ياناصر كل ابوها تبي تفسير=سلامي على نور المدينة ياهل طيبه

ناصر الشريف

ترى سياسة اهل الكفر تستخدم التهجير
ودمع العذرى يا لشلي وين تطبيبه

صلاتي على طه عدد من سعى ويسير
نبي الهدى يا ويل من جا بتكذيبه

نواف مفضي

ابخبط عذوق النخل واللي يصير يصير=وبكتف الفلاح واسلب مراطيبه
انا عارف(ن)شكل الذهب واعرف القصدير=مثل ماني عارف صاحب الذيب والذيبه

ناصر الشريف

ترى افة الناس بزمنا من التخدير
وخبط المقفي ذل والعيبه العيبه

معادن هل العليا عليها من التوقير
مهابه وعز وكلا يماري بصيبه

نواف مفضي

توجه توجه يالشريفي بلا تيسير=عساها عساها ماتعطب وتبطيها
الا يالله المعبود تسقي جبل خرخير=على شان نلقى المسجد اللي نصلي به

ناصر الشريف


عبدناه يوم الناس تستهوي التكفير
وكلا ترا قوله على الراس يهويبه

ولكن بعض القول يبقى على التشفير
وماهو بعيد اليوم بتشوف تقريبه














[/

]