آخر مسافات الرجا قطع الأمال==وأقرب مسافات الرجا ذكرياته

السلام عليكم ورحمة الله وبركاته

أصافحكم بأبياتي المتواضعة

الحلم ضاع وضيعة الحلـم غربـال=لكن عـزاي أعيـش مـع ذكرياتـه
جيته وأنا رحـال واقفيـت رحـال=شخصاً من جروحه تهـل أعبراتـه
صافح سماء الدنيا من الجال للجـال=يحلـم بحلـمٍ فـوق صبـره وذاتـه
رسم على وجه الثقة طولـة البـال=لن الثقة وحدة مـن أشهـر صفاتـه
وأمسى وهو مقبل على رسم الأطلال=وأصبح وهو مقفـي يجمـع شتاتـه
ذكاه وقتـه قبـل مايشـرح الحـال=الله وأكبر كيـف حلّـت ذكاتـه ؟!
ماصار صار ولابقـى عنـده آمـال=نـوّخ مشاريهـه وكسّـر عصـاتـه
وأعتق مفاهيم الوهم قـدر وإجـلال=من شـان يقنـع نظرتـه وألتفاتـه
لنّه قبل شافـك عـن العالـم لحـال=وكم شخص ثاني لجل خاطرك أماته
وحطّم على شانك مدارات الأهـوال=يحسبك تبنـي فـي يديـك أمنياتـه
مافيه مخـرج دون غايـة ومدخـال=لكـن نكبـة مـن جنابـك وجاتـه
وآخر مسافات الرجا قطـع الآمـال=وأقرب مسافـات الرجـا ذكرياتـه

الرجاء من المشرفين تعديل التنسيق مشكورين

صح السآنك أخوي مبآرك

وننتظر الأداريين لـ التنسيق ..

صح لسانك واعتلا شانك
ومشكورررررعلى الطرح

صح لسانك أبو ولد على الأبيات الجميله

ننتظر المزيد

تحياتي لك

صح لسانك
ومشكورررررعلى الابيات

أبو ولد حبكت المعنى في هذه الشامخة

فشكراً لك يالشاعر العذب

اختيار رااائع الله يعطيك العافية

تحياتي لك