قصيدة في حمود بن مصلاب

قالو تنصا من تنومس عطاياه = اليا وقف حمل البليهي يشيله
حمود بن مصلاب والطيب مجناه = ساس الرجال متعبين الاصيله
حمود رابح والفعائل مبناه = مثل الجبال الشامخات الظليله
يارد مواريد الرجال المسماه = فزعاتهم تبري الكبود العليله
من ساس قوم يوم كلن يبا حماه = حامين وضحن بالسيوف الصقيله
مظابره ودخيلهم محدن جاه = اليا ثار ملح مروبعات الفتيله
يرسون مرسى السفن في وسط ميناه = عوق الخصيم الي تزايد غليله
وحمود ابو شجاع والطيب ينصاه = يمناه بالمدات ماهي بخيله
ياما عطا بالجود من كف يمناه = وياما تعب لجل الفخر بالقبيله
في لوحة الفكسار اسم عبس سماه = واحد صفر واحد وهذي دليله
يد الك انه شيخ ماتقصر اخطاه = شيخ اليا جار الزمن يرتكيله
يستاهل التمجيد والمدح يزهاه = الطيب باامجاده وعزه يجيله
لو انتقصا مالحقنا مزاياه = الطيب واضح والفعائل جزيله
والا الردي خايب ولو قمت تنخاه = مايجيب غير الناقصه والهزيله
وتمت بذكر اللي بذكره عبدناه = الواحد اللي كلنا نلتجيله

الشاعر/ حامد سعود الحنيفان

صح السانك يابو سعود وابن مصلاب يستاهل وخدم الجميع وعليه بياض الوجه
وعلمه غانم وهو ليس عليه غريب الفعل الطيب والنعم فيه وبالمظابره احسنت يابن حنيفان في هذه الموشحه
الرائعه تحياتي لك

صح السااانك ياحامد ويستاهل كل من يحصل العلم
الغانم ابيات جميله

ابيات جميله من شاعر جزل مثل ابو وليد

ويستاهل ابن مصلاب كل علم طيب

صح لسانك اخوي حامد على الابيات الرائعه والجزله
ويستاهل ابن مصلاب هذا المدح
تحياتي للجميع

ماشاءالله صح لسااااااانك اخوي حامدوالنعم باالمظابره

صح لسانك ياابن حنيفان

شاعر جزل ، وقصيدة وافية ، ويستاهل أبو شجاع هذا الثناء .