رديه بين مرشد البذال وزبن ابن عمير

دخل الشاعر مرشد البذال ...إلى السوق ذات يوم... ولمح بدوية تمشي ورا عجوز،،،،،
فقال هذه القصيدة مسندا على الشاعر زبن بن عمير البراق العتيبي رحمهم الله أجمعين……

يــا زبــن مـاضـيـة السـنـيـن أعسفـتـنـي=خلصـت مـن طـرد الـعـذارى وصـديـت
نـسـيــت مـتـعـبـة الـقـلــوب ونـسـتـنــي=ألا نهـار السـبـت فــي الـسـوق مـريـت
شــافــت عـيـونــي شــوفـــة كـلـفـتـنـي=يـالـيـت عـيـنـي طاوعـتـنـي وصــديــت
يــا زبــن ليـتـك شـفـت عـفـرا وطـتـنـي=مـثـل الفـتـاة الـلـي شعتـهـا الأصـاويـت
مـشـغـولـة فــــي شـغـلـهـا وأشغـلـتـنـي=تتلـي عجـوز ٍ مشيهـا مـشـي خـريـت
بغـيـت أصــد وفرصـتـي مـــا عطـتـنـي=الــســوق ضــيـــق والأوادم تـفـاخـيــت
مـاجـور يـــا مـتــن ٍ دحـمـتـه بمـتـنـي=عــز الله أنــي كــان عـورتــه أخـطـيـت
طالعـتـهـا مــــن حـسـنـهـا وأعجـبـتـنـي=جـودت سـر جـوف الضمـايـر وونـيـت
يـــا زبـــن بـسـهـوم الـمـنـايـا رمـتـنــي=رمـيـة صــدف لسهومـهـا مــا تحـريـت
مـانــي بنـاويـهـا وهــــي مــــا نـوتـنــي=والله مـا افهمـهـا ولا افـهـم هــل البـيـت
مـيـر أنـهـا يــا أبــن عمـيـر غمضـتـنـي=في كلمـة ٍ قالـت بهـا عقـب مـا أقفيـت
قـالـت ولــو حـتـنـك يـقــارب لـحـتـنـي=والله لـهـلـي فـــي خـيـالـك لـيــا جـيــت
حاولـت أبـا أكـسـب عرفـهـا وحذفتـنـي=حـذفـة حـصــاة مـــن جـبــالٍ نحـاتـيـت
أفلـسـت أنــا مــن عـرفـهـا وأعرفـتـنـي=صابـت بمرماهـا هدفـهـا وأنــا أخطـيـت
يـــا زبـــن غـاديــة الـجــدى خاطبـتـنـي=تـبـي عـلـى المـاضـي قــرار وتثـابـيـت
قـلـت أذهـبـي مـنــك الإشـــارة كفـتـنـي=ما أحد ٍ حكمني باعترافي ولا أمضيت
وإن كــان مـخـلـوق ٍ بظـلـمـه بهـتـنـي=أنــت الــذي لـلـنـاس جـمـلـة تقـاضـيـت
يــا زبـــن هـــذي قـصــة ٍ مشكلـتـنـي=وأسلـم وسلـم لـي عـلـى ذايــع الصـيـت
الــلــي مـعـانـيـه الـجــســام أقـنـعـتـنـي=أذعـنـت لــه فــي كــل معـنـى وقـريـت

فردعليه زبن ابن عمير رحمه الله

لـبـيـك يـــا مـــن هــــو بـقـيـلـه نـعـتـنـي=رحــبــت بالـمـكـتـوب غــايــة وهـلـيــت
طالـعـت فــي معـنـى البـيـوت وشفـتـنـي=عن ما مضى من شرح ما اخفيت وابديت
جـتـنـي بــيــوت مـعـجــزة وافـرحـتـنـي=ضحكـت مـن بعـض المعانـي وجضـيـت
جضـيـت مــن صـدفـات قــد صادفـتـنـي=مــن شــد مــا جـانـي تجـرعـت حلتـيـت
يــا ابـــو سـعــد دنـيــاك قـــد صلفقـتـنـي=عـديـت لـيـن أنــي مــن الـعــدي مـلـيـت
قصـتـك يـــا مـرشــد تـراهــا ادهشـتـنـي=وذكـــرت شـــوف مـكـثـرات التـلافـيـت
والـلــي كـوتــك بهـرجـهـا قـــد كـوتـنـي=لاشـــك أنـــا لـمـبـادل الـهــرج رديــــت
لـونــي أنـــت ان كـــان يـــوم اهزبـتـنـي=عـلـقـتــهــا لـمــذلــقــات الـمـشـاخــيــت
وراك يــــا مــرشــد تــقــول اهـزبـتـنـي=يـــوم ادحـمـتـك بمـتـنـهـا مــــا تـلـويــت
فــي قرنـهـا الأشـقــر وقـلــت ظلمـتـنـي=حـتــى تـقــول انـــك بـشـوفــك تـهـنـيـت
الشـيـب الــه فــي كــل مخـلـوق حـتـنـي=واســمــه وقــــار لـلـرجــال العـنـاتـيـت
لـونــي بمـكـانـك يـــوم هـــي عذربـتـنـي=قلت اصبري واعطيك هـرج ٍِ تثابيـت
أنــــا لــيــا شــبــت الــعــذارى بـغـتـنـي=وأنــت تـبـرى مـنــك حـتــى العـفـاريـت
مـن شـاف وجـهـك شـيـن قــال اهبلتـنـي=وانـا لـيـا شفـتـك عـلـى الــدرب سمـيـت
يـــا مــرشــد الـدنـيــا قــبــل صلفـقـتـنـي=وسـكـانـهـا فـيـهــا تـشـيــل الـزغـاريــت
وعـجـوزك الـلـي شـفــت قـــد عذبـتـنـي=حـطـت عـلـى دربــي حظـيـر وتـعـديـت
حدبـا ظهـر عـن حاجـتـي مــا نحتنـيـي=يامـــا ورا مـدبــح ظـهـرهـا تـخـطـريـت
حـتـى لـشـهـب عيـونـهـا مـــا ارهقـتـنـي=شربـت مــن صـافـي الـقـراح وتـرويـت
ومـؤامـرة بـعـض الـعـرب مــا خفـتـنـي=قلـبـي معلـمـنـي عـــن الـحــي والـمـيـت
وطـيــت حـيــات الـثــرى مــــا كـلـتـنـي=بـاقــدام رجلـيـنـي وانــــا مــــا تـوقـيــت
ونـقـض البـيـوت الــواردة مـــا كلفـتـنـي=هـي غايتـي تصريـف بيـت ٍ ورا بـيـت

ارجو ان تنال اعجابكم

صوت وصدى رائعين بين فطاحلة الشعراء المعروفين الرعيل الاول لايوجد منافس له بهذا العصر
مهما كتبو من الشعار شباب الذيب احسنت الاختيار يامبدع تحياتي لك وتقديري

المشاركة الأصلية كتبت بواسطة مفلح الخضيري

صوت وصدى رائعين بين فطاحلة الشعراء المعروفين الرعيل الاول لايوجد منافس له بهذا العصر
مهما كتبو من الشعار شباب الذيب احسنت الاختيار يامبدع تحياتي لك وتقديري

مفلح الخضيري لاهنت مرورك أسعدني

استمعت هنا بماقرئت
رااااائع مانقلت
مبددددع انت وكفى
شكرااا

لـونــي بمـكـانـك يـــوم هــــي عـذربـتـنـي **قلت اصبـري واعطيـك هـرج ٍِ تثابيـت
أنــــا لــيـــا شــبـــت الــعـــذارى بـغـتـنــي ***وأنـــت تـبــرى مـنــك حــتــى الـعـفـاريـت
مــن شــاف وجـهـك شـيـن قــال اهبلتـنـي ***وانــا لـيـا شفـتـك عـلـى الـــدرب سـمـيـت

صح لسان الجميع
تقديري واحترامي لك شباب
وبنتظار جديدك الممتع*

سلام شي جميل لاكن فيه ردالمرشدثالث ليش منزته ويش السبب؟؟؟

شباب الذيب أشكرك على النقل لهذه القصائد الرائعه ..