 |
|
|
|
#1
09-25-2013, 12:22 AM
|
||||||||
|
||||||||
لا تفرح ان الوقت افرحك و اعطاك
قصيدة الشاعر الكبير :
"احمد الناصر الشايع".وهو الآن على فراش المرض عافاه الله وشفاه. وهذه القصيدة يجب ان تكتب بماء الذهب لأن كل بيت فيها يمثل قصيدة لوحده ... *لا تفرح إن الوقـت أسعدك واعطاك .. ..لابــد مـا ســود اللـــــــيالي تبكيــك. *دنـــــيا تقلـــب علــها مـــا تــولاك.. ..تمسي عزيز وتصبح من الصعاليك . إلى اقبلت تخفي عيوبك عن أعداك.. ..وإلى ادبرت تظهـر عيوبك لاهاليـك . *اغنم من صروف الدهر كانه امداك.. ..قبل اللحد عن ظاهر الارض يخفيك. *وترى التشكي للمخاليق يشـنـاك.. ..يحط من قدرك ويفـرح امــعــاديـك. *و كـثر التـشره يجعل الناس تجفاك.. ..ولا عــاد تلـقى بيـنهـم من يخـاويك. *و لا تمادى في زعل من ترضـاك.. ..مادام جاء عاني على شأن يرضيك. *و لا تخــاوي من على أبوه بـــــداك.. ..هذاك وان طال الزمان يغدر فـيــك. *والـجـاهل احـذر لاتجـادلـه يـبلاك.. ..في كـلـمة بين المخاليـق تعـمـيــك. *والهرجه العوجى لو أنه تنصــــاك.. ..حـاول تجـاهـلهـا وخــله تـعـديـــك. ولاتضيّع هـقـوة اللي تـهـقـــواك .. ..مادام جاء بين المخاليق ناصيــك. *واحـذر تـهـزأ يـا فـتى بخلق مولاك.. ..تـشـوفـها باقـرب قـريـبٍ يوالـيـــك. *و لا تفرح بزودٍ على الحق وان جاك.. ..زودك ترى نقصٍ على حق ذوليـك. *وخل القناعه ميزةٍ من مزايـــــــاك.. ..مـع الـقـناعـه كــل شـيءٍ يـكـفـيـــك. *وان جت لك الدنيا على غير مشهاك .. ..اصبر ترى بالصبر تدرك أمانيك . * لا تامـن الدنيــا تـرى الوقـت فتــاك.. ..لا جاء القدر كثـر الحـذر ما ينجيـك 
|
|
09-25-2013, 03:44 AM
|
#2 | |
|
المشرف العام
|
رد: لا تفرح ان الوقت افرحك و اعطاك
قصيده رائعه جدا تذكرنى بقصيده بركات الشريف ينصح بها ابنه مالك الله يعطيك العافيه ...... واسمح لى بالمشاركه بالقصيده بمتصفحك لما لها من الفائده للاخوه الاعضاء ومتذوقى الشعر
يالله يااللي كل الامات ترجيك ** ياواحد ماخاب حي ترجاك يارب عبد مامشى في معاصيك ** ولا يمشى الا فى محبتك ورضاك يامرقب بالصبح نطيت راقيك ** ما واحد قبلي خبرته تعلاك ول ياذا الدهر مااكثر بلاويك ** الله يزودنا السلامة من اتلاك ياللي على العربان عمت شكاويك ** وليت يا دهر الشقا ول مقواك واليوم هالكانون غادن شبابيك ** تلعب به الارياح من كل شباك يامالك اسمع اجابتي يوم اوصيـــــك ** واعرف ترى يابوك بامرك وانهاك وصية من والد طامع فيك ** تسبق على الساقه لسانه لعلياك اوصيك بالتقوى عسى الله يهديك ** اولها وتدركها بتوفيق مولاك الله بحق اجدادك العز يعطيك ** مرضاته مع ما تمنا من امناك احفظ دبشك اللي عن الناس مغنيك ** اللي ليا بان الخلل فيك يرفاك واعرف ترى مكة ولاها ابناخيك ** لو تطلبه خمسة ملاليم ما نطاك اجعل دروب المرجلة من معانيك ** واحذر تميل عن درجها بمرقاك لا تنسدح عنها وتبغيني اعطيك ** جميع ما يكفيك ما حاصل ذاك ادب ولدك ان كان تبغيه يشفيك ** واستسعفه من بعد مرباه يا لاك اما سمج واستسمجك عند شانيك ** ويغر من فعله صديقك وشرواك والا بعد جهله تراه يذيك ** لو زعلت امه لا تخليه يالاك واحذر تضيع كل منهو ذخر فيك ** معروفه لا تنساه واوفه بعرفاك ترا الصنايع بين الاجواد تشريك ** اليا طمعت بغرسها لا تعداك واحذر سرور بغبة البحر يرميك ** ولا عنده املس من تشكيك وبكاك واوف الرجال حقوقها قبل تعنيك ** والا تعتمد بالقول والحق يقفاك وهرج النميمة والقفا لا يجي فيك ** واياك عرض الغافل اياي واياك تبدي حديث للملا فيه تشكيك ** وتهيم عند الناس بالكذب وشراك واليا نويت احذر تعلم بطاريك ** كم واحد تبغي منه عرف واغواك واحذر شماتة صاحب لك مصافيك ** اليا جرالك جاري قال لولاك ولا تحسب ان الله قطوع يخليك ** ولاتفرح ان الله على الخلق بداك الضيف قدم له حين يلفيك ** مما تنوله يا فتى الجود يمناك اكرم اقباله فانها من شواديك ** خله محب لك صديق اذا جاك واوصيك زلات الصديق ان عثا فيك ** ما دام يغطاها الشعر فاحتمل ذاك راعه ولو ما شفت انه يراعيك ** عساك تكسر نيته عن معاداك واحذر عدوك لو ظهر يبي يصافيك ** خلك نبيه وراقبه منين ما جاك لا تامنه واطلب من الله ينجيك **ويكفيك شر ذولا وذولاك شفني انا يا بوك ابامرك وانهيك ** عن التعرض بين الاثنين حذراك اذا حضرت إطلابة مع شرابيك ** اسع لهم بالصلح واللاش يفداك ابذل لهم بالطيب ربك ينجيك ** ولا تجضع الميزان مع ذا ولا ذاك اما الشهادة فادها ان ادعو فيك ** بين عمود الدين لا عميت ارياك بالك تماشي واحد لك يرديك ** طالع بني جنسك وفكر بممشاك رابع اصيل في زمانك بشاكيك ** لاشاف خملاتك عن الناس غطاك واحذرك عن طرد المقفي حذاريك ** عليك بالمقبل وترك اللي تعداك ثم العن الشيطان واياه يغويك ** ترى ان تبعته للشرابيك وداك واوصيك لا تشكي علينا بلاويك ** انت السبب أخذك اعيونك بيمناك واعرف ترى ما قد وطا الفعر واطيك ** ولانت اعز من الجماعة هذولاك المسك يا راسي عن الذل واخطيك ** واحذر تكلم يا لساني وحذراك والطف بجارك وقم دون عانيك ** وافطن لما يعنيك عن ربعة اخواك ياذيب وان جتك الغنم في مفاليك ** فاكمن لين ان الرعايا تعداك امنول يا ذيب تفرس باياديك ** واليوم جا ذيب عن الفرس عداك يا ذيب عاهدني واعاهدك مرميك ** مرميك انا يا ذيب لو زان مرماك والنفس خالف رايها قبل ترميك ** ترى لها الشيطان يرمي بالإهلاك ومن بعد ذا لا تصحب النذل يعديك ** وعن صحبة الانذاك حاشاك حاشاك ترى العشير النذل يخلف طواريك ** وانا ارجي انك ما تجي دون اباك والهقوه انك ما تجي دون اهاليك ** ولا ظن عود الورد يثمر بتنباك والحر مثلك يستحي يصحب الديك ** وان صاحبه عاعا معاعات الاديـاك لا تسمع قول الطرف يوم يلفيك ** بالكذب يقضي حاجته كل ما جاك من نم لك نم بك ما فيه تشكيك ** ويلاه قد ازرا رفيقك وأزراك عندك حكا فينا وعندي حكا فيك ** واصبحت كارهنا وحنا كرهناك ماخطاك ما صابك ولو كان راميك ** وللي يصيبك لو تتقيت ما خطاك مير استمع مني عسى الله يهديك ** النصح يا مالك لك الله مولاك عندي مظنه ما تمثلتها فيك ** واطلب لك التوفيق من عند مولاك |
|
|
|
09-26-2013, 09:54 AM
|
#3 | |
ســــــلايـــل عـــبـــــس
|
رد: لا تفرح ان الوقت افرحك و اعطاك
اختيار رائع ، والرد كذلك
شكراً لكما |
|
|
|
|
10-08-2013, 07:10 PM
|
#5 | |
سلايل عبس
|
رد: لا تفرح ان الوقت افرحك و اعطاك
اختيار راائع يابو احمد ولاهنت يابو انور على الصدى
تحياتي لك |
|
     لانجاح الا بالتعاون والاصرار على المواصلة يشرفنا أن تقوم بالتسجيل بالضغط هنا إذا رغبت بالمشاركة في المنتدى،
|
|
10-22-2013, 07:06 AM
|
#6 | |
|
مراقبة عامة
|
رد: لا تفرح ان الوقت افرحك و اعطاك
اختيار رائع
لاهنت ابو احمد |
|
  لك كل الشكر والتقدير يابو نايف
|
 |
| مواقع النشر (المفضلة) |
| الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
 |
 |
العرض العادي
