يالله تعجل بالشفا لطيب الفال

البارحه جاني خبر ضيق البال=على الذي بالطيب تصعب صفاته
اللي له بالطيب منهج ومنزال=الطيب شفه والمراجل مناته
عون الرفيق معرب الجد والخال=اللي على بعيد وقريب أبركاته
والطيب لو أنه صخورن من جبال=ولوهو مكلف ماتعدا و فاته
ولا عد بالفعال والطيب رجال=مواقفه بالمعجزه مثبتاته
ولاجا ذكر فزعات بالضيق وأفعال=طيب الفعول بسيرته مكرماته
عيفيان بن معتق عسى العمر له طال=ومن حادثه الله يعجل نجاته
ماقلت به ماجا من القيل والقال=انا الذي حاضر على طيباته
ياالله يامن بامرك الليل ينجال=بضوح النهار ورازقآ كايناته
يامنزل(ن)صورت تبارك والانفال=على النبي وناصره باغزواته
ياهازمن كافر وماكر ودجال=ياغافرن لادم ومعلن براته
يومه ومره أبليس وأبليس محتال=وعقب تندم توبت الله جاته
وبقا الغضب لا بليس وابليس لازال=يغوي عيال الادم ويغوي بناته
لكن مهما يفعل أبليس مانال=شره لمن يعصاه بامعاملاته
اللي حفظ دينه وبالعدل مامال=وبالغيب يخش الله ويدي صلاته
و بغزوت أهل الفيل ضرب بالامثال=في طير أبابيل وعقايب حصاته
ياعالمن بالغيب ياساتر الحال=ياغافرن للا دمي بحسناته
يامالك الارواح يامفن الا جيال=وبيديك فقر الادمي مع غناته
في قدرتك مافيه شكآ ولاجدال=وعندك خفى مخلوقك وبيناته
يالله تعجل بالشفا لطيب الفال=ويالله تمدد له بباقي حياته

صح لسانك واعتلى شانك ابو فيصل

الحقيقه ابيات كالفه وجزله

كا جزالة شاعرها تحياتي لك وتقديري

صح السانك ومشكور على القصيدة

يعطيك العافية