شارك معنا بقصيده

البارحه ياحسين مركاي كوعي .. .. من العشا الين اذن الفجر يا حسين
ما غير اسلي خاطري بالدموعي .. .. مثل الذي من يقضي الدين بالدين
وكله سبب طيري حسين الطبوعي .. .. النادر اللي شوفته تطرب العين
اللي ليا مني ندبته فزوعي .. .. مثل الشجاع ليا انهموه القريبين
قمت اتذكر تلته للطلوعي .. .. بخد ٍ قنصنا فيه حروة اسبوعين
مدري ثمان ايام معهن اسبوعي .. .. لا شك كنهن يا ابن الاجواد يومين
وفي تالي المقناص يوم الربوعي .. .. اتلى العهد به راح يلوي الجناحين
اقفى وراء خرب ٍ مصقـّر جزوعي .. .. متذير ٍ واردفت من عقب طيرين
وسقنا معاهن وسط خد ٍ منوعي .. .. اقفن شمال ومبعدات ٍ عن العين
الخرب صامل والنداوي قطوعي .. .. حال الوعـر من دونهن والشعيبين
وقفت ادربل مير مامن سنوعي .. .. وقالوا جهاز الطير ما نسمعه زين
واجهدت رجلي بكل رجم ٍ رفوعي .. .. ارقى والوح وادبل الصوت صوتين
وما قصروا وقت المنافع ربوعي .. .. واخذت في جو القطامي نهارين
لاشك طيري ما نوى للرجوعي .. .. وانا بعد حدّرت يم البلادين
ما كان ودي ان المفارق فجوعي .. .. ليته موادعني سوات المحبين
الله يلوم الطير بعده يلوعي .. .. خلاني اسهر والمخاليق ممسين
عساه يسلم من يدين الطموعي.. .. اللي عن النشاد يخفي البراهين
والا الرجال الي تعرف السنوعي .. .. تلقى على حجله مع السبق رقمين
والا عساه بنازيات التنوعي .. .. رزقه على الي خالق الناس من طين
ومما جرا يا حسين قلبي قنوعي .. .. لو كان عقبه خاطري صاير ٍ شين


قصيده مشعل حمود الحبيني العازمي

البارحه فى الدور واحـد وخمسيـن شبيت مـن راس الفتيـل الزقـاره
كنّيتهـا ليـن امتلـن الشرايـيـن لعلهـا تطفـى لهيـب الـحـراره
ونفثتها والدمع فى محجـر العيـن ما سـال لا كنّـه رهيـن الاشـاره
أقرا وأعيـد الخـط مـرة وثنتيـن وأقول من صـدرٍ تحطـم اعبـاره
لبيه يا سلطـان لـو نـازح البيـن يزمـى سرابـه ويتركـز اغبـاره
غرّبت حادينى من الفقـر والديـن ما حد(أبو عـرّام) يجلـب احمـاره
ونصيت ربى ثم نصيت السلاطيـن اللـى تحفـظ لكـل رجـلٍ وقـاره
ومن فضل رب البيت ما بين عدّيـن بين(أحمد)و(وحمد ان)والعلم شـاره
فى فلةٍ فى دبـى ملكـى ودوريـن تعلّـم البـدوان فـنّ الحـضـاره
قدّامهـا لنكـن وكدلـك ورنجيـن وفى البر ع**ه والمدينـه عمـاره
وان طعتنى روّح على يا احمر العين بشت الغنـاة ولا بشـوت الامـاره
ومن لا عشق له وحدةٍ من هل العين عزا الله ان باقـى حياتـه خسـاره

ضيدان بن قضعان

ياعنـــا القنـــاص يالصيد المّدسم
ياكتاب الشمس وكتــاب الطلاسم

أمسك أعصابي وإذا شفتك تّبسم
كنك تكويني على الكبد بمياسم

كن بيــاضك مـن حــمارك لاتقّسم
عارض في وجنتك موكب مراسـم

حبكم سيـطر على قلبي ورسّـــم
مثل ماسيطر على بغـــداد قاسم


ابن جـــــدلان

الرجاء من الاخوان الالتزام بما جاء بالموضوع

فى بداية اول كلمه من القصيده ... شاكرا لكم

يـا رب انـا لـي حاجـة صكـة الـقـوع ... باقصـى بحـر تسعيـن صكـة نحـرهـا
اصعب على المخلوق من حبة الكوع ... والا عـلـى الخـالـق بـسـيـط دورهـــا
كـم واحـد جـت لـه بساتـيـن وزروع ... تــراه مــا يــدري مــن الـلـي بـذرهـا
ابـن اللئيـم مشـارك الكـلـب بطـبـوع ... عينـه علـى حـرمـة قصـيـره نظـرهـا
مـا دارهـا خـوف عليهـا مـن الجـوع ... خـوفـه تـفـوتـه غـــرة مـــا سـبـرهـا

بندر بن سرور

قصيده تبدأ ب يالله ياللى

يقال انه قبل حوالي ستين او سبعين عام كان امام مسجد في ضواحي بريدة لدية زوجة وثلاث بنات وكانت حالتهم المادية متدهورة جداً وقرب عليهم عيد الفطر المبارك ولاتوجد لديهم ملابس للعيد وطلبت البنات من والدهن شراء كسوة العيد فقال لهن الوالد سوف يرزقنا الله وقد حاول والدهن الاقتراض من بعض المعارف والاصدقاء لكنهم لم يقرضوه واعتذروا عن مساعدته قبل العيد بثلاثة ايام واستحين البنات ان يكلمن والدهن في شراء كسوة العيد وارسلن اختهن الصغرى تتحسس الامور عند والدهن فلما فاتحته الصغيرة في الامر قال لها والدها سوف يسهل الله الامر .

وفي المساء بعد أن نام الجميع صلى والدهن وتضرع والتجأ إلى الله داعياً بأن يفك كربته .

وكان في عنيزة تاجر من أهلها يحب فعل الخير ومساعدة المحتاجين اسمه عبدالله المحمد البسام .

رأى في المنام رجل قال له لاتتترك المطوع ( فلان ) فأنه محتاج ولايوجد لديه كسوة لبناته فلما اصبح عبدالله البسام جهز كسوة بعدد البنات وامهن واخذ بعض النقود وارسلها مع رجل وقال له اعطها للأمام الفلاني وسلم عليه سلام كثير .. وكان ذلك قبل العيد بيوم واحد فقط .

وقال الامام بعض الابيات يلتجي بها إلى الله سبحانه وتعالى ويشكي إليه الحال ويعتب ويتشرة على ربعه واقاربه الذين لم يساعدوه .
يقول في قصيدته :

يالله ياللى تعلم الحال وتشوف ** يامعطى كل على قد حاله

تلطف بعبد مامعه حق مصروف ** حمله ثقيل وارتكاله لحاله

ان قلت وش كاري ولاني بمكلوف ** ماحد تبرى قبلنا من عياله

عندي بنات لي مصاغير وضعوف ** والحال يعلمها عظيم الجلاله

ان جيت ادور مع هل الطيب معروف ** ربعي كثيرين ولا من صماله

حقى من اربوعي معاذير وحلوف ** وكل يبي بحلفه يوفر حلاله


منقوله من اذاعة الرياض

محجـــــــــــــــــــــــــــــــــــــــــــــــ ــــــــوز

يا وجودي كل ما هب نسناس الشمال=وجد من حده زمانه على الي ما يبيه
ويا وجودي كل ما اضحيت ثم مال الظلال=لاغفت عيني ولا ذقت شي مشتهيه
وجد من قفى وهو في رجا كلمه تعال=والتفت من عقب ما اقفى ولا احد لد فيه
وياعذابي لا دنا الليل من روس الجبال=وانقضى يوم من العمر ماعاد ارتجيه
وانتي ابعد من سمى الحلم ووصالك=محال يابعد من هل دمعي ضحى الفرقى عليه
ياغناتي لا تحسبين دمعي يوم سال=ضعف ولا خوف ولا كذا ولا كذيه
والله اني من رجال يضدون الرجال=لكن الحظ الردي ساق دمعي كلبيه
والله اني كل مادار حوليك الجدال=قمت كن الموت يشر على قبري بيديه
والله ان قد لي وانا اصد لا جالك=مجال صدت الي لا تضايق تذكر قبر اخيه
ومن سألني قلت مدري واذا عاد السؤال=قلت له تكفى سؤالك ترى ماهو وجيه
وش تبيني اقول عن من ترى ذبحي حلال=والخطاء منها علي صرت احبه واهتويه
عذرها لو ماتعذر مثل واضرب مثال=واحد ما يعرف الحر الاشقر يشتويه

ضيدان بن قضعان