ضع الكلمة المطلوبه في بيت شعر..**

ياحي البحه اللي كنها صوت الوتر والناي
---------------------- ياحي البحه اللي من نغمها يطرب العصفور
هلا يا بحتٍ تفرد حجاجيني وتهز اعضاي
--------------- وتـشرح صدري الضايق و تجبر خــاطري المكسور
صباح الـخـير من ثـغـرك تـلـون بالــزهـر دنـيـاي
--------------- مع النسمة وشعاع الشمس لي تنثر رحيق عطور
وش النسمة وش النغمة وش الورقه وخـريـر الماي
--------------------- إلا ذوبتي المبحوح في سمعي حروف شعور
ليا منه رشف سمعي حروفك يرتوي مضماي




"عبس"

سبحان من در المطـر وأحيابـه القـاع الهميـت
الشكر له والحمـدلله والفضـل لـه والمـن لـه.
يالمانع اللي تمنـع وتعطـي الـى منـك عطيـت
ياكافـل ٍ رزق اليتيـم اللـي تولـتـه أرمـلـه .
علـى محمـد صـل ياربـي وسلـم وآال بيـت
محمـد وصحبـه وبلغـنـا مـعـاه المنـزلـه .
وياصاحبي واغلا اصاحيبي يانايف ويـت..wait
علم ((رشايدة)) الكويت الطيـب منهـم منهلـه .
رجال(( عبس )) اللي بنوا لي في قلوب العز بيت
أحفاد مجـد الماضـي اللـي يحفظـه مستقبلـه .
هاماتهـم مثـل الجبـال الشـم وأولهـا حفـيـت
سلالـة العـز القـديـم بعـزهـا متسلسـلـه .
ودي أصرح لك وأخاف أنـك تحطهـا مانشيـت
وينسل سيـف وينتخـي عـزوة وتقـدح قنبلـة .
ماودك إلـى ضاقـت فجـوج الوسيعـة كمبليـت
ودارت عليـك النايبـات وتعبتـك المعضـلـه .
إلا ((رشيدي)) من ((رشايدة)) نجد وإلاأهل الكويت
من دون قاصر فـي رجـال مجدهـم مانجهلـه .
لو إن ربعي ((يام)) من فـوق الهقـاوي لاهقيـت
(..........................................).
في روسهم حـب مايطحنـه الزمـان المستميـت
وعيونهم تقبس شـرارٍ مـن شـرار المرجلـة .
لكـن نايـف لاأعـدم مـن صحبتـه ولاخليـت
من وقفتـه وقفـة ورى وقفـه ولاهـي بالأولـه.
ياصاحبي نايف سعيد الحـظ مـن حظـه بخيـت
ماكـل راعـي حـظ حظـه فاللـزوم ايجملـه .
اشوف بعض حظوظ خلق الله مثل بنـت السبيـت
تاكـل وراعيهـا مـادامـه يمتلكـهـا تكّـلـه.
اليانويت تزو شيخ ٍله على أهـل الصيـت صيـت
اخذ معـك قلبـي يقـول اللـي باأقولـه أوقلـه .
وشلون مايرضى علي وأنا قبل ماأزعـل رضيـت
وشلون مايزعـل علـي وأنـا اتشـرف بزعلـه.
ياسيدي ياللي على العالـي مـن المجـد اعتليـت
ارضٍ مهي بـأرضٍ زراعيـة ماتنبـت سنبلـه .
وسنابلـك تمـلأ بطـون الفقـراء اللـي تبـيـت
وايدينهـا لـك فالسمـاء فكـل ليـل مشهـلـه .
ازهل ابو ضلعٍ عوج وازهل ابـو وجـهٍ شميـت
لكن صـدك ياطويـل العمـر وشلـون أزهلـه.
اتضيـق بـي ماليزيـا او تتسـع بـي ماهنيـت
إلا معـا ذكـراك فـي وادي يـغـرد بلبـلـه .
نفيتنـي فـي رحلـة المنفـى لكـنـك مانفـيـت
مقامـك اللـي كـل طـاري للمعـزه يشعـلـه .
من سائلٍ سؤال يطـرح لـه سـؤال وماعطيـت
جواب يطرح له جـواب إيحـل لغـز الاسئلـة .
اغيب عنك شهر كامـل وانـت مقفـي مادريـت
ولانـزل عنـدي غـلاك ولاذبـل فينـي ولـه.
ومادام مابه وصل مابعـد مفارقـك اجـل ياليـت
ياليت تسمح لـي اغيـب العمـر عنـك بأكملـه.
ذكرتك وطاحت دموعي من غـلاك ومااستحيـت
إلاوقفت اصيـح فـي دمعـي غـلا واستعجلـه .
ماهو بعيب إليا بكيت اللـي علـى بعـده بكيـت
رجال وابكي لي علـى رجـال ويـن المشكلـه.
بغيـت ارسـل لـك مسـج لكـن والله ماقويـت
مـن النبـل تختـار وسيلـة وصـل مستنبـلـه.
احساسي الصادق لايمكن ينحصر فـي كـم بيـت
ولو ينحصر في كـم بيـت الاجهـزة ماترسلـه .
واحساسنا اللي من مفارق شخص وإلافقـد ميـت
بعض الهواتف حسها مرهـف ماهـي تستعملـه .
قصرت طايلة الأيـادي ليـن طاحـت واستويـت
اتكبـل يـدي هيبـتـك وإلامـاهـي بمكبـلـه .
مجرم وسوى له جريمة يوم غبـت ويـوم جيـت
زبن على ظلـك لـو ان ظـل الجبـال يـظلله.
ثنتيـن للمجـرم فشـرع الله واختـر مابغـيـت
إما عفوا عنّـه هـل المجنـي عليـه..او اقتلـه.
ياصاحبـي يامحزمـي ياقدوتـي انـا غـديـت
على طريق المايل ومالـي عـذر غيـر أعدلـه .
والعز ماهو بشـت واخويـا وكـم برميـل زيـت
العـز جـدك ورّثـه لابـوك وانـت تكمـلـه .
واللي سرى في ليلٍ اسود موحش مـن دون ليـت
ماهي تهمة عويةٍ مـن ذيـب فـي راس اجبلـه.
ياكم صباحٍ قد غبشـت وكـم ليـل قـد سريـت
وانـا اكتوفـي بالحمـول الكايـدات محمـلـه .
ماهو بمسـرى واحـدٍ ودع هلـه عنـد المبيـت
ولاخذالـه ساعتيـن إلاوهـو فـي حماهـلـه .
سريتها مسرى الملـك عبدالعزيـز مـن الكويـت
حتى حكم نجـد المسمـى مـن علـوه لأسفلـه .
وإليانويـت أقـول باسـم الله اليـا منـي نويـت
ويثور مـوج البحـر والربـان يثبـت محملـه .
متعود انـي لاحكيـت اجهـر برايـي لاحكيـت
ولاافـكـر فالسنـيـن الماضـيـة والمقـبـلـه
ماحـد ٍ يحـط فقبـر احـد بغيـت او مابغـيـت
وان حط احد في قبر احد كـل يحاسـب بعملـه .





(الجــــرح)

لا تسمّعني عتاب و لا رضا
من رحلت و غبت و أحوال بخير
كلمه آسف ما تعيد اللي مضا
ما تداوي جرح في جوفي خطير
عهد ما بيني و بينك و انقضا
للأسف لأجله تحمّلت الكثير
هم قلبي ضاق به كل الفضا
عن وجودك آه لو أقدر أطير
توّ ما حسيت في نار القضا
توّ ما حسيت في جرح الضمير
لو بكيت العمر تطلبني الرضا
ما أنحني لك لو يصير اللي يصير



المعزه

يا رفيقي سلام عقب بعد اللقا
من رفيق يودك مخلص لك نقي
قلتها لك رفيقي مرحبا والبقا
أغربي يانجوم الليل ولا أشرقي
يارفيق المعزه يارفيق النقا
جعل يفداك من هو بالردى يتقي
حزت كل العلوم الطيبه وش بقا
مابقا غير ذكرك طيب لك بقي
أحمدالله ربي يوم صرنا أصدقا
أتشرف بعرفك يالخوي التقي



" الغرور"

كل الشكر لك عبد المجيد على هذا الابداع والجمال



مميز في انتقاءك وطرحك

الغرور يحطم جسور الوصال
يعمي عيونك ترى عن كل ضيّ



(الهــــــــــــــــمــــــــــــــــــس)

كل الشكر لك اخوي عبد المجيد تحياتي لك

همـس قلبي لعيني ليش ياعين سهرانه
لـيش الـدموع وليـش حـزنـك عـظيمـي
ردت وقـــالت مـنك انــــا الــيوم تعبانـه
بأشواق واوهـــام دقــــاتــك معنينـي
اعــرف انــك تحبـه حيـل وتعشق كــلامه
واعــرف انـك تشــوفه حـاوين كـل زيني
مــن غــير ما تفكــر تعتـــب وتبدى ملامــه
تنـشد وتـسأل وانــت عارف ايــش فينــي



(الغدر)

بوقفك في طريق الغدر و اطوفك ..
دام الغدر هو هواك اللي تنفسته ..
بس انتظر لا تناظر لحظة وقوفك ..
اخاف اضعف و ارد اسمك على اللسته .



"الصراحه"