|
التعليمـــات | قائمة الأعضاء | التقويم |
|
مـنـتـدى واحة شعراء سلايل عبس جميع مايخص شعراء موقع سلايل عبس ذكرى الأجداد للأحفاد |
|
أدوات الموضوع | انواع عرض الموضوع |
#1
|
||||||||
|
||||||||
تـسـعـتـ ريـالات ... الـشـاعـر عـايـد خـلـف ....
قـصـيـده بإحـسـاس رائـع وصــوت جـمـيـل للـشــاعـر الـقــادم للـســاحــه بــقـــوه ( عـايـد بـن خـلـف ) وأتـمـنـى أن تـحـوز عـلـى إعـجــابــكـم ..... ( تـسـعــتــ .. ريــالاتـــ.. )
اللي بقـى بالبـوك تسعـة ريـالات = كل الذي باقي معـي مـن رصيـدي
ياراعـي الوقفـات يابـو الجمـالات = ياصاحبي . . يامسندي .. يا عضيـدي جتك القصيده رغم طـول المسافـات = واحكم علـى كيفـك وباللـي تريـدي مامقصدي سلفه ولا ابغـى حـوالات = حبيت اوضّح واقعـي فـي قصيـدي ابتنفـس ضـاق صـدري معـانـات = وابتحـرر واقطـع حـبـال قـيـدي تعبـت هـم وحلـم واتعبنـي الـذات = عنيـد وانـا مثـل طبعـه عنـيـدي مابيـن خيبـات الأمـل والطموحـات = ضيعت مدري ويـش ابيـه واريـدي متجمـعٍ كلـي وانـا كلـي شـتـات =ومتشتـتٍ وانـا لحـالـي وحـيـدي اضحك واقول العمـر كلـه سهـالات = دام القـدر واقـع ولاهــو بـأيـدي رغم اتساعات الفضـاء والمساحـات = إلا ان ضيقـي دايـمٍ فـي وريــدي ياكم يخـون الوقـت مـره ومـرات = وياكم قنصت وياكـل الغيـر صيـدي وياكم علـى صـدري تجمـع تنهـات = وياكم بكيـت وقلـت للحـزن سيـدي غربـة حيـاه اعيشـهـا ببتسـامـات = اهم شي ... اعيش عمـري سعيـدي على شواطي حـزن تنبـت مسـرات = على نغـم عـزف الهـوى للجريـدي حيـاه تبـنـى بتـسـاع العـلاقـات = ومع من تحب يكـون حبـك وطيـدي بالرغم من قـل العـدل والمسـاوات = وتصنيف خلـق الله شيـوخ وعبيـدي وركض البشر خلف الترف والشهاوات = وحب الأنـاء .. والنرجسيـه وليـدي صار التفلسـف بهرجـه والسياسـات = ضحله .. ومحصول المفكر زهيـدي المجتمـع لـو يزدهـر بالحضـارات = وترابطه معدوم .. وش يستفيـدي ..؟ تبقـى سذاجـات التخلـف سذاجـات = يتوارثوهـا مـن حفـيـد لحفـيـدي الواسطات اسـاس علـم السخافـات = والتفرقـه ماهـي بعـلـمٍ جـديـدي والأسئلـه مفتـاح كـل الأجـابـات = ويبقى الغبـاء علـم وسياسـة بليـدي الله يلـعـن والـديـن الـحـزازات = حسّبتهـا تنقـص واثرهـا تـزيـدي نعيشهـا ظلـم .. ونسيـر بمتاهـات = دروبٍ رسمهـا قاهـري لصعـيـدي ودام التناحـر فـي جميـع الديانـات = يامحتريـن العيـد مافـيـه عـيـدي ومادام حنا امـوات وابائنـا امـوات = وش ينفعك لو عشت عمـرٍ مديـدي ؟ إلا عمل صالح وخمـس الصـلاوات = والذكر يبقـى كـان رايـك سديـدي واللي طرالي ضمن ماجاء من ابيـات = إلا ماعمـره غـاب عـلـمٍ اكـيـدي شطرٍ لخوي وحافظـه مـن سنـاوات = (يكفينـي آصـل لعتزيـت برشيـدي)
للمراسله
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|