ليلة القبض على الجندي المجهول

ابيات جميله من درر ابو خليفه
لك الشكر والتقدير

لاهنت على هالقصيدة الرائعة

تحياتي وتقديري لك...

لاهنت يا أبا خليفة على هذه القصيدة الشامخة وهذا ليس بمستغرب على شاعر من فطاحلة الشعر في الخليج العربي

اقتباس:
المشاركة الأصلية كتبت بواسطة جمعان خلف الرشيدي
احبتي في هذا المنتدى الاصيل الذي يحمل اسم هذه القبيله العريقه مترامية الاطراف في شتى بقاع الارض , احييكم مؤسس وإدارة وأعضاء وزوار بتحية الاسلام , السلام عليكم ورحمة الله وبركاته ,
قرأة في منتداكم العريق قصيدة بعنوان البحث عن الجندي المجهول للشاعرالكبير رشيد عنيزان الرشيدي والحقيقه شدة انتباعي وأعجابي بما تحمله هذه المعلقه من معاني سامية وتشرفت ايضا بوجود اسمي مع فطاحلة الشعراء الذي استشهد بهم هذا الشاعر العلم له الشكر والتقدير0 أحبتي لااطيل عليكم ولكنه ابا الشعر إلا ان يتكلم فأليكم هذا المجاراة املاً أن تحوز على رضاكم وأعجابكم , واخيرا وليس اخيرا يهمني النقد البناء والمتابعة الجادة من قبلكم وهذا اعتبره تكريما لي ولزميلي الشاعر رشيد واحتراما للشعر , تحية من القلب ابعثها إليكم عبر هذا المنتدى الشامخ ,

ليلة القبض على الجندي المجهول

على طاري المجهول 0 والجندي المجهول = لقيت المعدي يذكر اسمي وعنواني
تمعّنت في نظم الجواهر 0 وعقد اللول = واخذ مني التفكير نومي وسلواني
قريت القصيدة عشر مرات بالمدبول = ولقيت الحروف اللي ورى حروف تقراني
ارد النظر واشوف الاهرام وابو الهول = مع السبع شفت الثامنه شوف بعياني
وسحبت النفس في عمق واسترجعه مذهول = لحتى اكسجين الراس ضخه بشرياني
تساقت شعاب الاورده بأحمرٍ شختول = من المزنه اللي بين عقلي ووجداني
وتوجهت للقبله وهانت عليّ احمول = بفضل الوحيد اللي منه جيت وحداني
ونظرت الشمال الغربي اللي عليه يحول = سياج الامان ومرتع الحر ريماني
ولقيت الكلام يطول والقول خلفه قول = وأنا في مثل هالموقف الساني احصاني
ونزلت الشعيب اللي جنوبه يحد الجول = على ماعتقد وأنا غريبٍ بالاوطاني
يسمى الغرس وادي مرابط حصن وخيول = نزل به قبل قرنين معتق رديفاني
رديفان ابن مضبر سلالة رشيد الزول = مكانه يوضح بعد الاول عن الثاني
اسامي تشابه والمنازل عليها انزول = ولايحاسب الانسان في ذنب الانساني
وأنا يوم جيت الوادي اللي عليه القول = تذكرت في واد الغرس ( قصة العاني )
وتذكرت ربعٍ للسراب ارسلو مرسول = ( جلاويةٍ ) ينخون معتق ونبقاني
وتذكرت أنا ( سعيّد ) وعهده وطيب فعول = نهار أنه يعاهد ويرجع ولاخاني
ولو بشرح الماضي علينا الكلام يطول = قصص خالده متوارثه عبر الازماني
اهلها فنوا وافعالهم بالصدور تجول = عسى الله يجازيهم عليها بالاحساني
ورقيت الطويل اللي على هامته غرمول = مراقي مداويرٍ تشوّف للاضعاني
اشوف الديار اقفور وارض المكان امحول = تعاوا السباع الجايعه بين ضلعاني
عقب ماصدور اجبالها مخضره وسيول = تقافت عواصيفٍ يروعن الاذهاني
اسوق النظر بشعابها مانظرت الزول = عليك الملامه يازمن وين خلاني
وسلامي على من حصّل الحاصل المحصول = بعد ما اشعل اسراج المعاني وناداني
ذكر ناس راحوا والزمن حول يتبع حول = اسنينٍ تقافت في هل اسنان واعناني
وبقينا على الاطلال نلبس ثياب اسمول = على قبورهم نبكي من الوقت ونعاني
ولايلومنا فيهم من الناس غير اخبول = اقصار اليماني بين عميٍ وعرجاني
وأنا ماحسبت احساب راع العيون الحول = اقول الحقيقه لو على قطعة الساني
شبعنا من التلفيق والمنطق المعسول = ولايضلم المجني سبب حجة الجاني
اخذت التجارب بين ذولا 0 وذاك 0 وذول = وعطيت وعرفت اللي عطيته ولا اعطاني
وأنا لاعطيت اعطيت في صاعي المكيول = ولايصير في صاعي من الكف نقصاني
وإذا كان ابو نواس يضحك على بهلول = أنا لي ثمان اسنين فرحٍ وطرباني
وألا يالمعدي تشكر بجهدك المبذول = عزيزٍ جنابك يارشيد العنيزاني
وردت وتفضل واشرب الماء من اشهلول = سحابٍ رعد وامطر على راس عطشاني
اصافحك في كفٍ كريمٍ ماهو مغلول = وإذا طحت قدامي اتوقيك ذرعاني
وإذا كان به تقصير هذا من اسطنبول = أخذ كل ماعندي قبل حكم عماني
وأنا وانت نبغى شي عند العرب مقلول = قليلٍ وجوده بين حضرٍ وبدواني
سألنا عليه وقالوا أنه دفن مقتول = وضاع الصحيح وصارت علوم كذباني
وأنا في منامي شفت جسمه وهو محمول = يشيلونه العدوان من فوق عمداني
وهرب منهم وجاني وهو في يده محلول = وسألته وقال انا لي اسنين مرضاني
وطلبت الحقيقه قال انا كني المخيول = محد يحترمني واحلالات يازماني
كبيرٍ بسني جالسٍ عندهم مذلول = يغنون بسمي ليل ياليل ياداني
كلامٍ يقولونه معانيه دن احجول = وفقدت الطرب في طرق لاحي ياليحاني
وعطاني رساله قال ياعزوتي لاتقول = عن اخر علومي غيرلانسان فهماني
ورحل وابتعد من فوقه اشراعه المفلول = على بحرٍ ازرق بين موجٍ وطوفاني
وصحيت وصحى بعيوني الجندي المجهول = من النوم صارت كلها اعلوم حلماني
وصلاتي وتسليمي على محمد الرسول = عدد ماسعى 0 ولبى الملبي بالاركاني

مع خالص تحياتي للجميع 0
جمعان خلف بن معتق الرشيدي



الحل الوحيد هو اني اقتبس القصيدة لشدة اعجابي بهاااااااااااا


صح صح صح الساااااااانك يابن مظبر

صح السانكــــــــــ يابو خلف قصــــيدة وااااااافية شكراً لك من القــــــــــــــــلب

الاخ الراقــــــــــي 00

اشكرك على كرم المتابعة 00 تحياتي لك

اشكرك من كل قلبي...

المميــــــــــز 00

اشكرك اخي العزيز على المتابعة

اجمل التحية

لاهنت يا أبا خليفة على هذه القصيدة الشامخة وهذا ليس بمستغرب على شاعر من فطاحلة الشعر في الخليج العربي

الاخ العزيزابن حوقـــــــــان 00

شكرا لك والف شكر على المتابعـــــــة

تحياتي لك

صح السانكــــــــــ يابو خلف قصــــيدة وااااااافية شكراً لك من القــــــــــــــــلب

مشكوووووور والله يعطيك الف عافيه

الاخ العزيز الواقعــــــــــــــي 00

اشكرك كل الشكر على كرم المتابعــــــــــــــة

تحياتي لك