{ ســالفة وقصيدة } .. مجلس لأعــضـاء سلايـل عــبس ..

مسااكم الله بالخير وريحة العود والريحان..

ياهلا بكم..وحيااكم الله..

فـي / مجــاااالس سلايل عـــ،ــبس / ..

مجلس الطيب ..

والكــــرم ..

والجــــــود ..

والعــلوم الغــانمه ..

المجلس اللي الكـل يتحكى بــهــ ..

تفضــلوا العــود والطيب يأهل الطيب..

^

..

وتفضلووووا الكل يستريح .. وترى المجلس مجلسكم ..

أرحبوووووا..

^

أكييييد عجبكم المجلس ..أدري أدري ..

سموا الله يحييكم على القهوه .. واقدعوا ..

يالله حيهم ..

هاا..ويش راايكم بقهوه..تعدل الكــيف صح ..

..

..

..

من بعد ريحة العوود .. والقهوة ..

ندخل بالموضووع على طوووول..

أكيد قريتوا الموضوع ../ سالفة وقصيدة / ..

رااح اشرح لكم الموضوع ..

بما أن كلنا في مجلس واااحد ..والكل منا مرتااح في مقعدة .. ورااايق البال من بعد القهوة ..

ابي الكل يسولف .. ومايسكت اي احد .. ومن ضمن هالسوالف ..

ابي كل واااحد يختار له قصيدة ويسدحها هنا .. بس لازم قبل القصيدة يقوول مناسبة هالقصيدة ..

سواء كانت قصايد في المدح والفخر والغزل والهجاء ..ألخ..

وافضل تكوون سواليف وقصاايد البدو والشعراء القدما اللي مثل .. شليويح العطاوي / ابن لعبون / وغيرهم
ولابأس بشعراء وقتنا الحاظر ..

يعني نسولف مع بعض بنكهة الشعر الشعبي و السواليف البدويه..

أنا أحب هالنووع من السوالف .. وحبيت احط موضوع بهالمجال ..

اتمنى ان الفكرهـ قد نالت أعجابكم .. واتمنى التفاااعل ..

واتمنى لكم أقاامة سعيدة ومفيدة في مجلسكم ..

ولاتحرمووني المرور والمشاركه..

وحياااااااكم الله ..

فكــره واعداد ..
أختكم .. الــذيبـــة ..

أنا رااح ابد ..وراح اضرب لكم على سبيل المثال..

اليوم بجيب لكم سالفه صغير ومعها بيتين بس..وهي..

عن الشااعر المرحوووم صقر النصاافي الرشيدي..شااعر جزل..ومعروف بقصيدته..

/ياصاحبي ماني براعي مهاداة : امارضني والا اجتني واستخيري/..

اليكم الساالفه والقصيدة..


فيروى احد الرواه ..انة دخل بصحبة صقر النصافي/ رحمه الله/ ..

الى بيت فية حفل عرس وكان النصافي كبير السن وعند دخولهما الى البيت بصحبة العريس ..

أذا بفتاة تسال والدتها: من من هؤلاء صقر النصافي؟؟ فأشارت الوالدة الى صقر..وقالت ذاك صقر.. فقالت الفتاة..(( يترب شبابة ))أي شبابة لتراب ..

تظن أنه شابا صغير السن كما تخيلته حين سمعت قصائده ...

...أما شاعرنا صقر.. قد سمع كلمتها وخاطبها على الفور بهذة الابيات...


يابنت لايترب شبابي ولا ابيك / يترب شباب اللي يحطك حبيبه
عيا أزرار الثوب ياصل علابيك / منتفختن كأنك صميل الرويبه



اتمنى قد نالت اعجابكم هذي السااالفه والبيتين ..

ياللاه .. انتظر منكم سوالفكم وقصايدكم ..
واتمنى قد وصلت الفكره للجميع..

تحيتي لكم ..

اشكرك يالذيبه على الموضوع الرائع

وازيدك بيت من شعر صقر النصافي




مسموح يامتنا دحمته بمتني

عز الله اني كان عورته اخطيت

لاهنت يامبدعة على هذا الطرح

وبما أنك طلبتي المشاركة فهذه مشاركتي على عجالة

أولاً : مناسبة القصيده كما نسمعها من كبار السن
أن ابن حصيص مر على ابن سلوم وسلم عليه وتبين له أنه مهموم وضايق صدره
فسأله ابن حصيص عن سبب ذلك فقال أب سلوم البنت كبرت ولا جاها من يخطبها
فقال ابن حصيص اذهب وزهب القهوة وسوف الحق بك
ثم لحق به بعد أن نظم هذه القصيدة
وما انتشرت هذه القصيده وإلا والخطاطيب يتنافسون على طلب يدها من والدها
والله أعلم .........

ثانياً: إليكم القصيدة مع حذف بعض الأبيات

هيض ابن حصيص فى تالى نهارة=الف قاف من ضميـرة مدرجاتـي
كن في عينه من الفرقـى شـراره=او مخاليـب الطيـور الطايرتـي

يانديبي فوق من منبـوز الفقـارة=اركـى وحبـال كـورة كالفاتـي
اركـى يرعـى نواويـر الفقـارة=ماعلية الشد من عشـر سنواتـي

جعل ضلع طويق ياعايـض ودارة=جعل يمحـل والوشـوم مربعاتـي
حيث ينزل عندنا مضعـون سـارة=واهتني بصويحبي عشر سنواتـي

ماخبر جارا ذبـح بالحـب جـارة=بالمبيسـم والثنيـاء المرهفاتـي
راس سارة ذيل شقراء وسط غارة=والجدايـل بالرشـوش مجدلاتـي


لايمى ياطى حنيـش فـى خبـارة=سمها يشضى العظـام الصالباتـي
حالف منسى ولادلة حب( سـارة)=لو اهل شقراء يخلـون الصلاتـي

الله يعافيك يالذيبه أخت الذيب
موضوع جميل جداً وأسجل أعجابي بما أتيتي به
يثبت وأحلا تقييم لأختنا الذيبه
تحياتي لك وتقديري

والكل منا مرتااح في مقعدة

علومك غانــــــمــة يالذيبــــــــــــــة ............ أشكر لك هــذا الطرح بفكرتـــه الجميلــــه


تشكــرآآآآآآآآآآآآآآآآآآت

اشكرك يالذيبه على المجلس الرائع
وهذه مشاركتي


هذا رجال طال عمركم راح أيام الربيع وقعد يتمشى ويطالع ولا الارض زينه ومزهره والربيع منتشر والخضار عام ,
لا وبعد موافق مثل ما تقول محلات كلها خباري ومياه , ويتمشى حولها ويدور السهول ويطالع ويناظر , الرجال دقاق نظر بخيص ولا هو بعجل يتفرج ويطالع ولا والله يلقى أثر فقع قعد يدور في الفقع ويطالع جمع له شوي , والله يوم مشي وتعدي ضلعان وجبال ولقى أرض سهله وزينه ودمثه وفيها عرب منا ناس ومنا ناس نازلين اللي معهم غنم واللي معهم ابل تشطر عنهم بعيد وقام يتمشى الحاله وأثناء ماهو يتمشى مادرى إلا والله هاك الغنم يوم انهلت عليه من عند هاك الثنيه ولا وراهن هاك البنت الجميله بنت زينه عليها جلال ومتحشمه , سلم عليها من بعيد , سلام وعليكم السلام وما أدري ويش , وصارت قريبه حوله تكلمه وش انت يالاخ ومتاك جاي هنيا , قال والله جاي اتمشي واطالع و أدور إن كان هنا فقع , ولاهي معها فقع مجمعته قبل لا يجي هو , خذت الفقع اللي معها وقالت خذ هذا تفضل أنا مجمعته , قال خليه
لكم , قالت لا حنا مقيمين في البر وأنت طرقي يمكن تقعد الليله وتمشي خذ هذي الساعه المباركه ,خذاه منها وقعدت تتكلم معاه شوي ولا الحقيقه على جانب من الثقل والجمال وفيها حياء عظيم , ولا تهرج الا على شوي شوي , طالع
عيونها من ورى البرقع وجازت له عيونها بالحيل الحاصل إنه أخذ الفقع منها , قالت له تفضل عند أهلي شف مكاننا هناك تعال تغد عندنا او تعش , واستانس منها على كرامتها وانها قلطته وقالت له تفضل , قال ان شاء الله أشوف أنا بتمشى شوي إن امداني مريت عليكم و إن ما أمداني , انتم مقيمين هنا ؟ قالت ايه والله حنا مبطي في هالمكان , المهم شعفت قلبه بكلامها وحركاتها وبثقلها ورزانتها وهو شاعر والشاعر مرهف حس ودقاق , وعقب يومين من تمشيه في البر دخل للديره ويوم دخل قام يسولف على واحد من أصدقاه يقول إني رحت كذا وكذا وحصلت وشاهدت هاك البنت الجميله وإنها قالت لي كذا وإنها حياويه وإنها تطقق اصابعها من الحياء لا ناظرت , قال يا رجال هين بس واجد قال إنها والله شعفت قلبي , قال يارجال بكره ولا عقبه تنساها , المهم لامه على قوله تلقى غيرها الحريم واجد والعشق واجد وإن تولعت في هالامور بتتعب , المهم يالربع مالكم بالطويله انتهي وقت الربيع وهو لا يزال يذكر هاك الموقع وهاك المكان وهاك الحبابه والطرافه والكلام الطيب , وعقب فتره عقب ما جاء الربيع الثاني قرر قال ابروح أزورهم في مكانهم اكيد اني ابلقاهم , اخذ معه شي من الهدايا مثل ماتقول هديه بسيطه كسوه وقال اروح اسير عليهم, فتجهز وراح يوم راح ووصل للموقع اللي هو خابر اللي هو شافهم فيه جاء ولا والله ما هم فيه ولا هم شادين ورايحين لمكان ثاني لانهم يتابعون مشاهي حلالهم, وفعلاَ ما لقى أحد هاك الليله اللي هو وصل فيها لمكانهم وما وصل الا متأخر ونام , نام في هاك المكان لكنه لا يزال يتذكر هاك الموقع اللي يوم تعطيه الفقع فيه ويوم تقابله ويوم يحكون عند هالحصاة شوي ويتقدم يتقدم عنها شوي ويتذكر يوم إنها تطق بعصا معها على هاك الحصاة الكبيره وترفع رجل وطمن رجل وتمشى وتذكر مناظرها له وكلامها الطيب له وإن كلامها يهشش القلب شوي وزين ويدخل العقل كل هالاشياء تذكرها وهو يتمشي ويطالع ويناظر أمساه الليل ونام في هالمكان لكن يوم نام وجاء تالي الليل توقظ ولا والله يسمع حس ذيب بعيد وهيضه هالذيب ............. وقال
البــارحه جــاوبت لي حس عـاوي * * * ذيب عــوى لجيت بالحـــس ويـــاه
ذيب يجــر الصــوت حسه خــلاوي * * * ياقـلب ياللي جاوب الذيب بـــعواه
والصبح بانت في ضميري أهاوي* * * صوت (ن) زعجته ليت خلي توحـاه
يـادار ما شفتي ظبــي المــطاوي * * * أتلى عـلامي به غشنك رعايـــاه
أنا على شــوف الحبيب شــفاوي * * * كأنه هنـــيا خبرينـــي بممـــساه
قالت لي الأوطان جلــع ضحــاوي * * * اليـــوم رأس الرجــم هذا توطـــاه
أمس بــهذا وأصــبح اليوم نــاوي * * * يتلى ســلف بــدو بعيد معشـــاه
كشف لـهم بــرق سديد عشـــاوي * * * يخيــلونه يم خشــــم المسنــــاه
يبـــون مربــاع بـهاك الحــــراوي * * * لا زاف زملوقه وشبعت رعايـــاه
إخذ الخبر ما هوب خرص وهقاوي * * * أعطيك علم صويحبك وين تلقاه
أدنــي مرابيعه بخشــم الصـداوي * * * وبيــوت مقياضه بقرية مبنــــاه
مير اطلب الله لــو صوابك مخـاوي * * * كم واحد قبلك عشيره تمنــــاه
يالعين ما ينــفع كثــير الشكاوي * * * إلا على اللي دبر الغيث وأنشاه
يـــاونتي ونــة وحــيد جـــــلاوي * * * اللي سبب دينه من أقرب دناياه
ولا خـــلافه من يــحل الدعــــاوي * * * لا صار ربعه منه تبي المثــــاراة
عليك ياللي لك بقلــبي مكـــاوي * * * ثلالث ردعات هوادي وعرقــــاه
عقبه فقـدت من المنام الحـــلاوي * * * وحتى متاعي قامت الكبد تجفاه
يــالايمي ياعـــل مالك عــــراوي * * * بلاه ما ولعــك بالحـــب حليــــاه
مـن لا يعرف الحب عنده دعــاوي * * * يشره على راعي المحبه وينشاه
ويــقول هذا في ممـاشيه غاوي * * * وحنا نـــدل الـــدرب والحــمد الله
يالله عسى مثله كثير الـــهزاوي * * * يبلوى ببلوى من لسانه تهــــزاه
حتى يــعرف إن المحبه بـــلاوي * * * ويشوف مثل اللي من الحب شفناه
عساه يبلى في محبة حيـــاوي * * * حب الهنوف اللي يحده على أقصاه
تفرى ضــيره فري دلو الرواوي * * * إلا صفقها الجــال من حد ملقــــــاه
لا لجلجت له بالنظــير السهـاوي * * * كلامها (لبيـــه) عن قـــولة هــــــاه
كلامها للـقلـــب مثل المــــداوي * * * اللي عــرف علــــة مريـــضه وداواه
يــارب إني بالتفاتك رجــــاوي * * *تلم شمــل الولــف من عقب فرقــــاه
لو تنفع الفزعات ولا النخـــاوي * * * على المــحبة كان كل (ن) نخيـــناه
مير الرجاء والياس صار متساوي * * * يــــاقلبي أصبر في تدابير الإلــه
لو مابقى في حالك إلا شـــلاوي * * * مادبر الوالــي على العبد يرضــاه

قال هالقصيده وهي في الحقيقه تعبر عن شعوره وعن خطواته اللي هو مشاهن وهذه من أجمل قصائد الغزل
للشاعر/ مرشد بن سعد البذال..

يعطيكِ العافية موضوع رائع يالذيبه

كان لرجل من اهل الحريق وهي ديرة الشاعر محسن الهزاني بنت اسمها( هيا) وكان جمالها وحسنها باهر.
ولحرص والدها عليها اسكنها في (روشن) والروشن كما تعلمون غرفه تكون في اعلى البيت خوفا عليها من ان ترى الشاعر محسن اويراها فيقعا في الغرام حيث اشتهر هو ايضا بوسامة وشجاعة نادرتين وشهرة واسعة بين النساء.

وعين لهيا خادمة ومشاطة تزورها على فترات للعناية بها وتمشيط شعرها.

فعلم محسن بجمالها وعرف مكانها فقرر ان يصعد اليها في روشنها العالي الذي يصعب الوصول اليه وقام يراقب البيت لكي يجد له مصعدا لروشن هيا.

وجد محسن أن الروشن له منفذ صغير يدخل منه الماء عن طريق ساقية القصر من بئر قريبه فلم يجد طريقه غير النزول الى البئر وصار يتعلق بحبال الغروب اللي تسحبها السواني حتى دخل الى القصر وكان له ما أراد وجلس هـناك ثلاث أيام ولم يعلم احد بوجوده

وفي رابع يوم سمع صوت اقدام المشاطه قادمة لكي تمشط ذوايب هيا. واثناء تمشيطها لذوايب الحسناء (هيا) قامت تغني وترد هالبيت:





أصفر مع اصفر ليت محسن يشوفه
توّه على حد الغرض ما بعد لمس





وعند سماع محسن الهزاني لبيت المشاطه طلع وقال:




أربع ليالي مرقدي وسط جوفه
البارحه واليوم وامس وقبل امس





وهرب وكان رفاقه قد افتقدوه ، ولما اتاهم حاولوا يعرفون منه اين هو طول هذه المده لكنه لم يجيبهم وكان احدهم ذكيا ولما لمح البرق قال هذا البرق يشبه مبسم هيا. فانشد محسن الهزاني قائلا:ٍ





قالوا كذا مبسم هيا .. قلت لا لا
بين البروق وبين مبسم هيا .. فرق

ويالله .. بنوٍ مدلهم الخيالا
طافح ربابه .. مثل شرد المها الزرق

لا جا على البكرين بنا الحلالا
ولاعاد لا يفصل .. رعدها عن البرق

يسقي غروسٍ .. عقب ماهي همالا
وحط الحريق ديار الاجواد .. له طرق

يسقي نعامٍ .. ثم يملا الهيالا
ويصبح حمامه ساجعٍ .. يلعب الورق

جريت انا صوت الهوى .. باحتمالا
في وسط بستانٍ .. سقاه اربعٍ فرق

طبّيت مع فرعٍ .. جديد الحبالا
وظهرت مع فرعٍ .. تناوح به الورق

روشن هيا .. له فرجتينٍ شمالا
وبابٍ على القبله .. وبابٍ على الشرق

مبسم هيا .. له بالظلام اشتعالا
بين البروق .. وبين مبسم هيا فرق

برقٍ تلالا .. بأمر عز الجلالا
واثره جبين صويحبي .. واحسبه برق

يا شبه صفرا .. طار عنها الجلالا
طويلة السمحوق .. تنزح عن الدرق

له ريق .. احلى من حليب الجزالا
واحلى من السكر .. الى جاء من الشرق

حنيت انا .. حنة هزيل الجمالا
ينقض ردي الخيل .. قد حسة الفرق

ويا قلتةٍ .. في عاليات الجبالا
ماها قراح .. مير من دونها غرق

ماعاد للصبيان .. فيها احتمالا
من كود مرقاها يديهم .. غدن طرق

قالوا تتوب من الهوى .. قلت لا لا
الا ان تتوب .. ارماح علوى عن الزرق

قالوا تتوب من الهوى .. قلت لا لا
الا ان يتوبون .. الحناشل عن السرق

قالوا تتوب من الهوى .. قلت لا لا
الا ان تتوب الشمس .. عن مطلع الشرق