يا مل قلب عيوف و عاشق له عايف

سعود العرافة هو سعود بن عبدالعزيز بن محمد آل سعود

لقب بالكبير حتي يميز عن الملك سعود

و هو زوج نورة الفيصل عزوة الملك عبدالعزيز رحمة الله
بعد الاقتال الذي وقع بينه و بين الملك عبدالعزيز في الخرج هرب و لجأ عند شريف مكة الشريف حسين بن علي

فطالت غيبة عن زوجة و كان يحبها ففاضت قريحته بهذه الأبيات





يانديبي على اللي شامخٍ نابه
مبعد الدار مسراحه يقرّبها

ياديرة ماتحسفنا على مابه
ياكود الانور وصاروا هم قرايبها

ان بغتنا تخط الحبر بكتابه
وان مشينا وصلنا من سبايبها

وان مابغتنا هجرنا البعد وترابه
هي بنت قومٍ لنا هي وش يقرّبها

مانقلنا سيوف الهند نصّابه
كود يوم اللقى نبي نخضبها



لما وصلت قصيدة سعود لنورة , ارسلت ردها :






يامل قلبٍ عيوف وعاشقٍ عايف
عيا يطيع النصيحة ويش اسوّيبه

كنه غصينٍ على دراج ومهاي
فيبست اوراقه وريح الصيف توميبه

عانق سعود العرافة من وراء الطايف
هو زرع قلبي وهو جنة بساتينه.



و قبل معركة جراب كان في حائل و سمع من أهلها ما أزعجه قرر العودة و مناصرة الملك عبدالعزيز الذي عفا عنه و كان معه في كل معاركة.

لاهنت يأديبنا على هذه المقتطفة الرائعة

انتقاء رائع
تقديري واحترامي لك*

استاذنا القدير لاهنت علىهذه الرائعه والمميزه والذي بلاشك تداولت بكثير من المجالس العربيه

سوف تنقل للقسم الذي اعتقد انه مناسب

لك تحياتي وتقديري

لاهت اخوي عادل لكن لي ملاحظة بسيطه على القافية في الشطر الاخير في البيت الاخير
وتقبل مرور
اخوك / شباب سليمان الذيب الرشيدي